سعودی ولی عہد شہزادہ محمد بن سلمان کا صدر یو اےای اور امیر قطر سے رابطہ، کشیدگی فوری ختم کرنے پر زور

ٹیلیفونک رابطہ

جدہ (ڈیلی پاکستان آن لائن) سعودی عرب کے ولی عہد شہزادہ محمد بن سلمان نے متحدہ عرب امارات کے صدر شیخ محمد بن زاید آل نہیان اور قطر کے امیر سے ٹیلیفونک رابطہ کیا اور حالیہ ایرانی حملوں کے حوالے سے تبادلہ خیال کیا۔

یہ بھی پڑھیں: فخر زمان اور صاحبزادہ فرحان کا تگڑا لاٹھی چارج، پاکستان نے سری لنکا کو جیت کیلئے بڑا ہدف دے دیا

ایرانی حملوں پر گفتگو

دونوں رہنماؤں نے گفتگو کے دوران خطے کی موجودہ صورتحال اور متحدہ عرب امارات سمیت کئی برادر ممالک کی سرزمین کو نشانہ بنانے والے ایران کے حملوں پر تفصیلی تبادلہ خیال کیا۔

یہ بھی پڑھیں: ٹویوٹا، ہونڈا اور سوزوکی کے مقابلے میں نئی انٹری نے پاکستانی آٹو سیکٹر کی تازہ دم کر دیا

سعودی ولی عہد کی مذمت

سعودی ولی عہد شہزادہ محمد بن سلمان نے ان حملوں کی شدید مذمت کی اور متحدہ عرب امارات کے ساتھ سعودی عرب کی مکمل یکجہتی اور حمایت کا اعلان کیا۔

یہ بھی پڑھیں: زرمبادلہ ذخائر 38 ماہ کی بلند ترین سطح پر پہنچ گئے

قطر کے امیر کا کردار

قطر کے امیر کا سعودی ولی عہد سے ٹیلیفون، کشیدگی فوری ختم کرنے پر زور

قطر کے امیر نے سعودی عرب کے ولی عہد شہزادہ محمد بن سلمان سے ٹیلیفونک رابطہ کیا اور خطے میں جاری صورتحال اور اس کے علاقائی و بین الاقوامی سلامتی پر مرتب ہونے والے اثرات پر تفصیلی تبادلہ خیال کیا۔ گفتگو کے دوران قطر اور سعودی عرب دونوں نے کشیدگی کے فوری خاتمے اور مذاکرات کی میز پر واپسی کی ضرورت پر زور دیا۔

یہ بھی پڑھیں: ستاروں کی روشنی میں آپ کا آج (منگل) کا دن کیسا رہے گا ؟

قطر کی حمایت

سعودی عرب نے قطر کی سرزمین کو ایرانی بیلسٹک میزائلوں سے نشانہ بنائے جانے کی سخت مذمت کی اور قطر کے ساتھ مکمل یکجہتی اور حمایت کا اعلان کیا۔

سعودی عرب کا عزم

سعودی عرب نے یہ بھی واضح کیا کہ وہ قطر کی خودمختاری، سلامتی اور استحکام کے تحفظ کے لیے اٹھائے جانے والے تمام اقدامات میں ہر ممکن تعاون فراہم کرنے کا پختہ عزم رکھتا ہے.