ایرانی حملوں کو کسی بھی جواز کے تحت درست قرار نہیں دیا جا سکتا، سعودی وزارت خارجہ

سعودی وزارتِ خارجہ کی سخت مذمت

ریاض (وقار نسیم وامق) سعودی وزارتِ خارجہ نے ریاض ریجن اور مشرقی صوبے کو نشانہ بنانے کی کوشش کرنے والے ایرانی حملوں کی سخت ترین الفاظ میں مذمت کی ہے۔ وزارتِ خارجہ کے مطابق یہ حملے “کھلے اور بزدلانہ” تھے، جنہیں سعودی دفاعی نظام نے کامیابی سے روک لیا۔

یہ بھی پڑھیں: 30 سال بعد مریض کے معدے سے لائٹر برآمد، ڈاکٹر بھی حیران

حملوں کی بین الاقوامی حیثیت

وزارتِ خارجہ کے بیان میں کہا گیا کہ ان حملوں کو کسی بھی جواز کے تحت درست قرار نہیں دیا جا سکتا۔

ایران کی کارروائی پر تنقید

بیان میں اس امر پر بھی زور دیا گیا کہ ایران نے یہ کارروائی اس کے باوجود کی کہ اسے معلوم تھا کہ سعودی عرب نے واضح طور پر اعلان کیا تھا کہ وہ اپنی فضائی حدود یا سرزمین کو ایران کے خلاف کسی کارروائی کے لیے استعمال ہونے کی اجازت نہیں دے گا۔