پارلیمنٹ کا مشترکہ اجلاس 2 مارچ کو ہوگا، سخت سیکیورٹی انتظامات، غیرمتعلقہ افراد کے داخلے پر پابندی

پارلیمنٹ کا مشترکہ اجلاس

اسلام آباد (ڈیلی پاکستان آن لائن) پارلیمنٹ کا مشترکہ اجلاس 2 مارچ کو ہوگا، سخت سیکیورٹی انتظامات، غیرمتعلقہ افراد کے داخلے پر پابندی عائد ہوگی۔

یہ بھی پڑھیں: صورتِ حال انتہائی خطرناک، بھارت اپنی ناکامیوں پر پردہ ڈالنے کی کوشش کر رہا ہے: ممتاز زہرہ بلوچ

سیکیورٹی انتظامات

سیکیورٹی کی موجودہ صورتحال کے پیش نظر قومی اسمبلی سیکریٹریٹ نے پارلیمنٹ ہاؤس میں سخت حفاظتی انتظامات کیے ہیں اور مشترکہ اجلاس کے موقع پر غیر متعلقہ افراد کے داخلے پر پابندی ہوگی۔

یہ بھی پڑھیں: عیدالاضحیٰ پر 10 دن کی چھٹیوں کا اعلان

میڈیا کوریج کی تفصیلات

میڈیا کوریج کے حوالے سے قومی اسمبلی نے واضح کیا ہے کہ تمام کیمرہ مین صرف ایک نمبر گیٹ پر قائم میڈیا سینٹر کے اندر ہی کام کر سکیں گے، اور وہاں سے باہر کسی کو بھی کیمرہ استعمال کرنے یا ویڈیو کی اجازت نہیں ہوگی۔

یہ بھی پڑھیں: ہمارا دل مقبوضہ کشمیر کے اسیر عوام کے ساتھ دھڑکتا ہے، پاکستان تحریک انصاف کا ’’یوم سیاہ ‘‘ پر پیغام

میڈیا سینٹر کی تشکیل

میڈیا سینٹر ایک نمبر گیٹ پر پی آر اے کے اصرار پر بنایا گیا ہے تاکہ کیمرہ مین اور رپورٹرز کے لیے بیٹھنے اور کام کرنے کی جگہ میسر ہو، جبکہ سیکیورٹی وجوہات کی بنا پر میڈیا سینٹر کے باہر کسی کو کوریج کی اجازت نہیں ہوگی۔

یہ بھی پڑھیں: نواز شریف کو ہٹا کر نااہل شخص کو مسلط کیا گیا، سازشوں کی وجہ سے پالیسیوں کا تسلسل قائم نہ رہ سکا، احسن اقبال

کوریج کی پابندیاں

پارلیمنٹ ہاؤس کی راہداریوں میں بھی کسی کو ویڈیو بنانے کی اجازت نہیں ہوگی۔ الیکٹرانک میڈیا کے بیٹ رپورٹرز سے درخواست کی گئی ہے کہ وہ اپنے ادارے کے لیٹر ہیڈ پر صرف ایک کیمرہ مین کا نام اور شناختی کارڈ نمبر درج کرکے بھیج دیں تاکہ کسی دشواری کا سامنا نہ کرنا پڑے۔

نئے اجلاس کی انتظامات

مزید برآں قومی اسمبلی کے 3 مارچ 2026 سے شروع ہونے والے معمول کے اجلاسوں میں کیمرہ مین اور پوائنٹ آف آرڈر کرنے والے رپورٹرز کی انٹری نئی لسٹ کے مطابق ہوگی اور پرانی تمام لسٹیں منسوخ کردی گئی ہیں۔میڈیا اداروں کو درخواست ہے کہ 2 کیمرہ مین اور ایک رپورٹر کے نام اور شناختی کارڈ نمبر جلد از جلد وٹس ایپ کے ذریعے ارسال کریں تاکہ نئے اجلاس کے انتظامات مکمل کیے جا سکیں۔