ستاروں کی روشنی میں آپ کا آئندہ ہفتہ کیسا گزرے گا؟

برج حمل

سیارہ مریخ، 21 مارچ سے 20 اپریل

کسی بھی معاملے کو لے کر پریشان ہونے کی ضرورت نہیں ہے انشاءاللہ اب ہر مشکل سے آزاد ہوں گے اور تمام تر معاملات میں آسانیاں ملنا شروع ہو جائیں گی۔ جو لوگ عرصہ دراز سے روزگار کے حصول کے لئے پریشان تھے، پردہ غیب سے ان کا سلسلہ بن سکے گا اور ملازمت پیشہ افراد کا من پسند جگہ تبادلہ بھی ہو سکتا ہے۔ ترقی کے امکانات بھی روشن ہو گئے ہیں۔

یہ بھی پڑھیں: سعودی عرب کا ایران میں امریکی حملوں پر گہری تشویش کا اظہار

برج ثور

سیارہ زہرہ، 21 اپریل سے 20 مئی

آپ کے لئے اب حالات تیزی سے بدل رہے ہیں۔ آپ جس بھی مقصد کے لئے قدم اٹھائیں گے اس میں انشاءاللہ کامیابی حاصل ہوگی اور راستے کی تمام تر رکاوٹیں دور ہو سکیں گی۔ جو لوگ بندش وغیرہ محسوس کررہے تھے وہ اب اس سے آزاد ہوں گے اور جس طرف امید لگا رکھی تھی وہ پوری ہوگی۔ اس لئے اب کامیابیوں کا ایک شاندار سفر شروع ہو رہا ہے۔

یہ بھی پڑھیں: آئینی ترمیم ستائیسویں ہو یا اٹھائیسویں ہم مخالفت میں کھڑے ہوں گے: شیخ وقاص اکرم

برج جوزہ

سیارہ عطارد، 21 مئی سے 20 جون

آپ ان دنوں ان معاملات میں گھسے ہوئے ہیں جن کا براہ ِراست آپ سے کوئی تعلق نہیں ہے۔ بلاوجہ خود کو ٹینشن میں ڈالا ہوا ہے اور اپنا وقت ضائع کررہے ہیں۔ آپ سیدھا سیدھا چلیں اور صرف اپنے روزگار کی طرف توجہ دیں۔ اس میں بڑا فائدہ ہے۔ زندگی میں عرصہ دراز کے بعد اب یہ وقت آیا ہے۔ اس کی جس قدر بھی توجہ دی جائے وہ کم ہے۔

یہ بھی پڑھیں: بعض وکلاء نے 2007 کی تحریک کامیاب ہونے کے بعد اس کا ناجائز فائدہ اٹھایا: احسن بھون

برج سرطان

سیارہ چاند، 21 جون سے 20 جولائی

آج کا دن ہی اس اچھے وقت کی انشاءاللہ ابتداکرے گا جو پورے ہفتے پر بھاری ہوگا۔ آپ روزانہ کے حساب سے بہتری حاصل کرتے رہیں گے اور جس بھی کام میں رکاوٹیں محسوس کررہے تھے وہ دور ہوں گی اور جس مقصد کے لئے بھی رقم درکار ہوگی وہ حاصل ہوگی۔ بس خانگی و خاندانی جھگڑوں اور مسائل سے دور رہنے کی کوشش کریں، یہ وقت کی بربادی ہے۔

یہ بھی پڑھیں: آپ پہلے جواب جمع کرائیں، سندھ ہائیکورٹ کا26ویں آئینی ترمیم کیخلاف درخواستوں پر ڈپٹی اٹارن جنرل کو 3ہفتوں میں جواب جمع کرانے کا حکم

برج اسد

سیارہ شمس، 21 جولائی سے 21 اگست

جو لوگ کافی دنوں سے کسی پریشانی میں مبتلا چلے آ رہے تھے وہ انشاءاللہ اس سے آزاد ہوں گے پردہ غیب سے ایسا سلسلہ بن جائے گا جو ان سارے مسائل کو حل کر دے گا جہاں پیسوں کی ضرورت ہوگی اس کا بندوبست ہو جائے گا۔ بلاک رقم کی واپسی بھی ممکن ہو سکے گی۔ جس شخص نے تنگ کیا ہوا تھا وہ خودبخود بھاگ جائے گا۔ گھریلو ماحول بھی بہتر ہوگا۔

یہ بھی پڑھیں: ایران میں مہنگائی اور کرنسی بحران کے خلاف احتجاج، ملک کے بڑے حصے میں انٹرنیٹ بند

برج سنبلہ

سیارہ عطارد، 22 اگست سے 22 ستمبر

آپ بار بار اپنا راستہ تبدیل نہ کریں۔ اس طرح تو مشکل ہو جائے گی اور جس طرف سے بھی آفر آئے فوری عمل نہ کریں، ہو سکے تو آپ استخارے کی مدد لے لیں تاکہ نقصان سے بچا جا سکے۔ جو لوگ روزگار کے لئے سفر کرنا چاہتے ہیں، ان کے لئے بھی اب راستے کھل گئے ہیں۔ جلد خوشخبری ملے گی۔ تعلیمی میدان میں بھی انشاءاللہ کامیابی نصیب ہوگی۔

یہ بھی پڑھیں: بھارت کی جانب سے روسی تیل خریدنا مایوس کن ہے، ڈونلڈ ٹرمپ

برج میزان

سیارہ زہرہ، 23 ستمبر سے 22 اکتوبر

صحت کا صدقہ دیں۔ آپ دن بدن خرابی کی طرف جا رہے ہیں۔ اس کی سب سے بڑی وجہ ٹینشن ہے جو بلاوجہ سر پر سوار کی ہوئی ہے۔ آپ کو خود کو ان معاملات سے دور رکھنا ہوگا اور کوشش کریں کہ صرف روزگار پر توجہ دیں۔ ان دنوں انشاءاللہ اس میں بڑا فائدہ حاصل ہوگا اور جہاں رقم بلاک ہے اس کی واپسی بھی ممکن دکھائی دیتی ہے۔

یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟

برج عقرب

سیارہ مریخ، 23 اکتوبر سے 22 نومبر

اس وقت آپ کو غیر متوقع ذریعے سے رقم ملنے کا بڑا امکان ہے۔ آپ روزگار کے حوالے سے انشاءاللہ اچھی خبریں سن سکیں گے اور جس کام کی خواہش ہے وہ پوری ہو سکے گی اور بھی کسی جانب سے آفر آنے کی بڑی امید ہے۔ کاروباری حضرات مزید سرمایہ کاری کر سکیں گے اور جو لوگ نوکری کی تلاش میں ہیں، ان کی خواہش پوری ہو سکے گی۔

یہ بھی پڑھیں: اگلے ماہ نئی بسوں کا فلیٹ لا رہے ہیں، کوشش ہے ہر بڑی روڈ پر پیپلز بس سروس چلے: شرجیل میمن

برج قوس

سیارہ مشتری، 23 نومبر سے 20 دسمبر

یہ ہفتہ آپ کو اپنے معاملات میں بہتری لانے کا مشورہ دے رہا ہے۔ آپ کی توجہ کسی اور جانب ہے جو بالکل مناسب نہیں ہے۔ ان دنوں تو آپ اس وجہ سے بڑی مشکل میں آجائیں گے اور بدنامی کا اندیشہ بھی ہے۔ اپنی عزت و آبرو کی حفاظت کریں۔ اس سے بچ جائیں تو بہتر ہے ورنہ بات بگڑ کر کسی بڑی لڑائی جھگڑے میں بھی بدل سکتی ہے اس ہفتے کی بڑی وارننگ ہے۔

یہ بھی پڑھیں: جنگ میں بھارت کا تماشہ، دنیا نے دیکھا، رافیل ایسے گرے جیسے چڑیا گرتی ہیں: مصدق ملک

برج جدی

سیارہ زحل، 21 دسمبر سے 19 جنوری

آپ کو یہ ہفتہ بحکم اللہ ہر طرف سے اچھی خبریں دے رہا ہے۔ آپ جس بھی پریشانی میں مبتلا تھے اس سے باہر نکل سکیں گے اور جس بھی کام میں ہاتھ ڈالیں گے وہ ہوجائے گا۔ ضرورت کے تحت پیسہ بھی ہاتھ لگے گا اور جس بھی شخص سے امیدیں وابسته کی ہوئی تھیں وہ بھی پوری ہو سکیں گی اور تمام تر رشتے داروں سے چند دن دور رہنے کا مشورہ بھی ہے۔

یہ بھی پڑھیں: بچوں کے محفوظ مستقبل کے لیے پولیو کا خاتمہ ضروری ہے: وزیراعظم

برج دلو

سیارہ زحل، 20 جنوری سے 18 فروری

آپ کی توجہ کس جانب ہے، آپ کیا چاہتے ہیں،کیوں خود کو مشکل میں ڈالے ہوئے ہیں۔ اپنے تمام خراب معاملات ٹھیک کیوں نہیں کرتے اس طرح تو آنے والے دنوں میں بڑی مشکل میں آ سکتے ہیں۔ جو لوگ کسی بھی طرح اپنا قبلہ درست کرنے میں کامیاب ہو گئے وہ ہی بچ پائیں گے۔ ان دنوں بندش جیسی صورت ِحال بھی لگتی ہے۔ اپنا صدقہ لازمی دیں تو بہتر ہے۔

سیارہ مشتری

19 فروری سے 20 مارچ

اللہ نے چاہا تو اس ہفتے آپ کو اپنے ہر مقصد میں کامیابی حاصل ہو گی۔ آپ جن بھی مسائل میں گھرے ہوئے تھے، ان سے نجات حاصل ہوگی اور جو رکاوٹیں محسوس کررہے تھے وہ دور ہوں گی۔ خواہشمند افراد کے رشتے کی بات طے ہوگی اور جن لوگوں نے روزگار کے لئے سفر کرنا ہے انشاءاللہ ان کو بھی کامیابی حاصل ہوگی۔ پریشانی اب ختم ہوگی۔