وزیراعظم سے محسن نقوی کی ملاقات، چار ملکی وزرائے داخلہ اجلاس پر بریفنگ دی

ملاقات کا پس منظر

اسلام آباد(ڈیلی پاکستان آن لائن) وزیرِاعظم شباز شریف سے وزیرِداخلہ محسن نقوی کی ملاقات ہوئی، جس میں محسن نقوی نے چار ملکی وزرائے داخلہ اجلاس میں اپنی شرکت کے بارے میں بریفنگ دی۔

یہ بھی پڑھیں: کسی صورت 8 فروری احتجاج کی کال واپس نہیں لیں گے،ہو سکتا ہے ہم جیل بھرو تحریک شروع کر دیں،محمود خان اچکزئی

چار ملکی وزرائے داخلہ اجلاس

نجی ٹی وی چینل دنیا نیوز کے مطابق، وزیر داخلہ نے وزیراعظم کو روم اور اٹلی میں ہونے والے چار ملکی وزرائے داخلہ اجلاس میں اپنی شرکت کے بارے میں بریفنگ دی، جس میں پاکستان کے علاوہ اٹلی، سپین اور یونان کے وزراء داخلہ شریک ہوئے۔

یہ بھی پڑھیں: نائب وزیراعظم اور وزیرخارجہ اسحاق ڈار نیویارک پہنچ گئے

چھ فریقی وزرائے داخلہ اجلاس

محسن نقوی نے پولینڈ میں ہونے والے چھ فریقی وزراء داخلہ اجلاس میں اپنی شرکت کے بارے میں بھی بریف کیا، جس میں پاکستان اور پولینڈ کے علاوہ لیٹویا، فن لینڈ، ایسٹونیا اور لیتھوانیا کے وزراء داخلہ شریک تھے۔

یہ بھی پڑھیں: لاہور؛ ڈاکوؤں نے سی سی ڈی اہلکار کو تشدد کے بعد لوٹ لیا،ہسپتال داخل

پاکستان کے لئے ورک پرمٹ

وزیرِداخلہ نے بریفنگ میں بتایا کہ دونوں کانفرنسز میں شریک ممالک نے پاکستانیوں کے لئے قانونی ورک پرمٹ کے جلد از جلد اجراء پر اتفاق کیا، جبکہ رکن ممالک نے یورپی ممالک کی جانب غیر قانونی طور پر سفر کرنے والوں کی تعداد میں صرف ایک سال میں 47 فیصد کمی لانے اور انسانی سمگلنگ کے خاتمے کے لئے اقدامات پر پاکستان کی کارکردگی کو سراہا۔

یہ بھی پڑھیں: ڈپٹی ڈائریکٹر این سی سی آئی اے لاپتا کیس نیا رُخ اختیار کرگیا، سماعت میں حیران کن انکشافات

ویزے کی شرط کا خاتمہ

انہوں نے مزید بتایا کہ پولینڈ اور اٹلی پاکستانی سفارتی اور سرکاری پاسپورٹ رکھنے والوں کے لیے جلد ویزا کی شرط ختم کردیں گے، اور پاکستان کی امیگریشن اور بارڈر سیکیورٹی کی صلاحیت اور استعداد کار میں بہتری کے لئے یورپی یونین میں جلد از جلد پلان بھی پیش کیا جائے گا۔

وزیرِاعظم کا ردعمل

وزیراعظم نے وزیر داخلہ کی کاوشوں کو سراہا، اور ملاقات میں ملکی داخلی اور مجموعی صورتحال پر بھی گفتگو ہوئی۔