ایران حملے میں پہل کرنا چاہ رہا تھا، صدر کے پاس حملے کے سوا کوئی چارہ نہیں تھا‘ ٹرمپ انتظامیہ

ٹرمپ انتظامیہ کا بیان

واشنگٹن (آئی این پی) ٹرمپ انتظامیہ کا کہنا ہے کہ ایران حملے میں پہل کرنا چاہ رہاتھا، اس لیے صدر ٹرمپ کے پاس حملے کے سوا کوئی چارہ نہیں تھا۔

یہ بھی پڑھیں: پنجاب سے ڈاکٹر شاہ نواز کنبھر کے قاتل پولیس اہلکاروں کی میرپور خاص منتقلی کے لیے ٹیم روانہ

ایران کے نیوکلیئر ارادے

انتظامیہ کے مطابق تہران کی سنجیدگی نہ ہونے پر صدر ٹرمپ نے حملے کا فیصلہ کیا، ایران یورینیم افزودگی برقرار رکھ کر ایٹم بم کی صلاحیت چاہتا تھا۔ ٹرمپ انتظامیہ کا کہنا ہے کہ ایران کو سویلین نیوکلیئر پروگرام کے کئی آپشنز دیے گئے تھے۔

یہ بھی پڑھیں: امام بارگاہ دھماکے میں آئی جی اسلام آباد کا کزن بھی شہید، والدین کا اکلوتا بیٹا تھا

سفارتی حل کی توقعات

دوسری جانب امریکی میڈیا سے گفتگو کرتے ہوئے ڈونلڈ ٹرمپ کا کہنا تھا کہ امریکا اب ایران کے ساتھ سفارتی حل تک پہنچنے کے لیے بہتر پوزیشن میں ہے، ایران پر حملے کے بعد سفارت کاری کہیں زیادہ آسان ہوگئی ہے۔

ایران کی دھمکیاں

ڈونلڈ ٹرمپ نے کہا کہ ایران نے آج سخت حملوں کا اعلان کیا ہے، بہتر ہے وہ ایسا نہ کرے، ایران نے اگر ایسا کیا تو انہیں ایسی طاقت سے نشانہ بنائیں گے جو پہلے کبھی نہیں دیکھی ہوگی۔