امریکہ کے اڈے امریکی سرزمین شمار ہوں گے، ایرانی قومی سلامتی کونسل کے سربراہ علی لاریجانی کا خطے کے ممالک کیلئے پیغام

علی لاریجانی کا پیغام

تہران(ڈیلی پاکستان آن لائن) ایرانی قومی سلامتی کونسل کے سربراہ علی لاریجانی نے خطے کے ممالک کے لیے عربی زبان میں پیغام جاری کیا ہے۔ ایکس پر جاری پیغام میں علی لاریجانی کا کہنا تھا کہ خطے کے ممالک سے ہم یہ کہنا چاہتے ہیں کہ ہمارا آپ پر حملہ کرنے کا کوئی ارادہ نہیں۔

یہ بھی پڑھیں: آج ملک بھر میں شبِ برأت نہایت عقیدت و احترام سے منائی جائے گی

فوجی اڈوں پر پاکستان کا مؤقف

علی لاریجانی کا کہنا تھا کہ اگر آپ کے ملک میں قائم فوجی اڈوں کو ہمارے خلاف استعمال کیا جائے گا اور امریکہ ان اڈوں سے خطے میں کارروائیاں کرے گا تو ہم ان اڈوں کو نشانہ بنائیں گے۔ علی لاریجانی نے مزید کہا کہ وہ اڈے آپ کی سرزمین نہیں بلکہ عملاً امریکی سرزمین شمار ہوں گے۔

یہ بھی پڑھیں: ہربنس پورہ میں کرنٹ لگنے سے 2بچے جاں بحق،وزیراعلیٰ کا اظہار افسوس

اماراتی مشیر کا بیان

ان سے قبل متحدہ عرب امارات کے صدر کے مشیر انور قرقاش کا کہنا تھا کہ خلیجی ممالک پر حملے مس کیلکولیشن ہیں، ایران کو تنہا کر دیں گے۔

ایران کے لیے انتباہ

مشیر اماراتی صدر کا کہنا تھا کہ ایران کو اپنے حواسوں میں واپس آ جانا چاہیے، کیونکہ آپ کی جنگ آپ کے پڑوسیوں سے نہیں ہے۔ انہوں نے خلیجی ممالک پر حملے کو مس کیلکولیشن قرار دیتے ہوئے کہا کہ ایران کو تنہا کر دیں گے۔