ایران نے کشیدگی میں کمی کی کوششوں پر آمادگی ظاہر کردی، عمان کا دعویٰ

عمان کا ایران کے ساتھ کشیدگی میں کمی کے لیے آمادگی کا دعویٰ

مسقط (مانیٹرنگ ڈیسک) عمان نے دعویٰ کیا ہے کہ ایران نے کشیدگی میں کمی کی کوششوں پر آمادگی ظاہر کردی ہے۔

یہ بھی پڑھیں: صدر (ن) لیگ نواز شریف اور مریم نواز سے گورنر سندھ کی ملاقات

ٹیلیفونک رابطہ

’’جیو نیوز‘‘ نے عرب میڈیا کے حوالے سے بتایا ہے کہ عمانی وزارت خارجہ نے دعویٰ کیا ہے کہ ایرانی وزیرخارجہ عباس عراقچی نے عمانی وزیرخارجہ سے ٹیلیفونک رابطے میں کہا کہ وہ کشیدگی میں کمی کی سنجیدہ کوششوں کے لیے تیار ہیں۔

یہ بھی پڑھیں: ملتان؛ ایل پی جی سلنڈر پھٹنے سے رکشے میں آگ لگ گئی ،3افراد جاں بحق

امریکی حملوں کی شدت میں اضافہ

یہ پیشرفت ایسے وقت سامنے آئی ہے جب امریکہ کی جانب سے ایران پر حملوں کی شدت میں اضافہ ہوگیا ہے، جب کہ ایران کی جانب سے بھی جوابی حملے کیے جارہے ہیں۔

ایرانی نیوی کو نقصان

امریکی صدر ڈونلڈ ٹرمپ کا کہنا ہے کہ امریکی حملوں میں ایرانی نیوی کا ہیڈکوارٹر تباہ کردیا ہے۔ امریکی فوج ایران کی بحریہ کو تباہ کر رہی ہے اور اب تک ایرانی بحریہ کے 9 جنگی جہاز تباہ کیے جا چکے ہیں، جب کہ باقی کو بھی نشانہ بنایا جا رہا ہے۔