سربراہ ایرانی قومی سلامتی کونسل کی امریکا کے ساتھ مذاکرات کی تردید

تہران(ڈیلی پاکستان آن لائن) سربراہ ایرانی قومی سلامتی کونسل نے امریکا کے ساتھ مذاکرات کی تردید کردی، علی لاریجانی نے عالمی جریدے وال سٹریٹ جرنل کا دعویٰ مسترد کردیا۔

مذاکرات کی عدم موجودگی

ایرانی قومی سلامتی کونسل کے سربراہ علی لاریجانی نے سوشل میڈیا سائٹ ایکس پر جاری کیے گئے بیان میں اعلان کیا کہ ایران امریکا کے ساتھ مذاکرات نہیں کرے گا۔

لن نتفاوض مع الولايات المتحدة https://t.co/cvEweU8ODj

— Ali Larijani | علی لاریجانی (@alilarijani_ir) March 2, 2026

ٹرمپ کے خیالات کا اثر

ایک اور بیان میں علی لاریجانی کا کہنا تھا کہ امریکی صدر ٹرمپ کے خود ساختہ خیالات نے مشرق وسطیٰ کو افراتفری میں دھکیل دیا۔

ٹرمپ کا انٹرویو

اس سے قبل امریکی جریدے کو انٹرویو میں ٹرمپ کا کہنا تھا کہ وہ نئے ایرانی رہنما سے بات کرنے پر راضی ہیں، ٹرمپ نے دعویٰ کیا کہ ایران کے نئے رہنما بھی ان سے بات چیت کرنا چاہتے ہیں۔

ایران پر حملے اور جوابی کارروائیاں

واضح رہے کہ ایران پر امریکی اور اسرائیل کے مشترکہ حملے کے بعد ایران کی جانب سے جوابی کارروائی جاری ہے جبکہ امریکا اور اسرائیل بھی ایران پر حملے جاری رکھے ہوئے ہیں۔