سعودی ریفائنری پر ڈرون حملہ پاکستانی جہاز میں تیل بھرنے کے دوران ہوا: نجی ٹی وی

ڈرون حملہ راس تنورا آئل ریفائنری پر

ریاض (ڈیلی پاکستان آن لائن) سعودی عرب کے شہر راس تنورا میں آئل ریفائنری پر ڈرون حملہ پاکستانی جہاز میں تیل کی لوڈنگ کے دوران کیا گیا۔

یہ بھی پڑھیں: الیکشن کمیشن کے فیصلے پر چیئرمین پی ٹی آئی بیرسٹر گوہر کا رد عمل آ گیا

پی این ایس سی چارٹر جہاز پر حملہ

نجی ٹی وی جیونیوز نے شپنگ ذرائع سے دعویٰ کیا ہے کہ پی این ایس سی چارٹر جہاز کی تیل لوڈنگ کے دوران راس تنورہ پورٹ پر ڈرون حملہ ہوا۔ اس دوران پورٹ پر موجود پی این ایس سی چارٹر جہاز پر ہنگامی حالت نافذ کر دی گئی۔

یہ بھی پڑھیں: لاہور: ہزاروں سال کی تاریخ اور مغلیہ سلطنت کا مرکز

حملے کے اثرات

ذرائع کے مطابق، حملے کے وقت پی این ایس سی چارٹر جہاز پر پاکستان کے لیے تیل لوڈ کیا جا رہا تھا۔ ڈرون حملے کے بعد پی این ایس سی چارٹر جہاز پر تیل کی لوڈنگ معطل کردی گئی۔

یہ بھی پڑھیں: سپریم کورٹ لاہور رجسٹری میں داخل ہونے والا مسلح شخص گرفتار

سعودی وزارت دفاع کا بیان

ترجمان سعودی وزارت دفاع نے عرب ٹی وی سے گفتگو کرتے ہوئے بتایا کہ آرامکو کی راس تنورا تنصیبات کے قریب دو ڈرونز مار گرائے گئے۔ راس تنورا پر حملے کے نتیجے میں کوئی شہری زخمی نہیں ہوا، تاہم حملے کے بعد گرنے والے ملبے سے ریفائنری میں محدود نوعیت کی آگ بھڑک اٹھی تھی۔

ریگولیٹری اقدامات

غیر ملکی خبر ایجنسی کا بتانا ہے کہ راس تنورہ پورٹ سے متصل ریفائنری بند کر دی گئی ہے اور محدود آگ پر قابو پالیا گیا ہے۔