آپریشن غضب للحق: افغان طالبان کے جلال آباد میں ایمونیشن ڈپو اور ڈرون سٹوریج سائٹ کو تباہ کر دیا گیا

راولپنڈی میں آپریشن غضب للحق

راولپنڈی ( ڈیلی پاکستان آن لائن ) افواجِ پاکستان کی افغان طالبان کی بلااشتعال جارحیت کے جواب میں’’ آپریشن غضب للحق‘‘ کے تحت مؤثر اور فیصلہ کن کارروائیاں جاری ہیں۔

یہ بھی پڑھیں: افغان حکومت کا بھی پاکستان میں اپنا سفیر تعینات کرنے کا اعلان

حملے کی تفصیلات

’’جنگ ‘‘ نے سیکیورٹی ذرائع کے حوالے سے بتایا ہے کہ فتنہ الخوارج اور افغان طالبان کے جلال آباد میں موجود ایمونیشن ڈپو اور ڈرون سٹوریج سائٹ کو تباہ کر دیا گیا ہے۔ پاک افواج فتنہ الخوارج اور افغان طالبان کے ٹھکانوں اور فوجی تنصیبات کو مؤثر انداز میں نشانہ بنا رہی ہیں۔

یہ بھی پڑھیں: سپریم کورٹ نے 1 ماہ میں کتنے ہزار مقدمات نمٹادیئے ۔۔؟تفصیلات سامنے آ گئیں

ہلاکتوں اور نقصانات کا اندازہ

وفاقی وزیر اطلاعات عطاء تارڑ کے مطابق ہفتے کی صبح تک کی کارروائیوں میں 415 طالبان ہلاک جبکہ 580 زخمی ہوئے، ان کی 182 چیک پوسٹیں تباہ جبکہ 31 پر پاکستانی افواج نے قبضہ کرلیا ہے۔

آپریشن کا مستقبل

سیکیورٹی ذرائع کا کہنا ہے کہ ’’آپریشن غضب للحق‘‘ تاحال جاری ہے اور اہداف کے حصول تک جاری رہے گا۔