حج پروازوں کا شیڈول سامنے آ گیا، پاکستان سے پہلی حج پرواز 18 اپریل کو روانہ ہوگی

حج پروازوں کا شیڈول

اسلام آباد (ڈیلی پاکستان آن لائن) حج پروازوں کا شیڈول سامنے آ گیا۔ پاکستان سے پہلی حج پرواز 18 اپریل کو روانہ ہوگی۔ سرکاری حج اسکیم کے عازمین کو 468 پروازوں کے ذریعے حجاز مقدس لے جایا جائے گا۔

یہ بھی پڑھیں: پٹرولیم مصنوعات کی قیمتوں میں کمی

عازمین کی منتقلی کا طریقہ کار

ذرائع وزارت مذہبی امور کے مطابق، حج آپریشن کے پہلے روز عازمین کو 4 پروازوں کے ذریعے مدینہ منورہ پہنچایا جائے گا۔ 18 اپریل کو کراچی، لاہور، سیالکوٹ اور ملتان سے پہلی حج پروازیں روانہ ہوں گی۔ عازمین کو آئندہ ہفتے متعلقہ پروازوں سے آگاہ کر دیا جائے گا۔

ان عازمین کا تعداد

سرکاری اسکیم کے تحت ایک لاکھ 19 ہزار عازمین کو مدینہ منورہ اور مکہ لے جایا جائے گا۔