امریکی قونصل خانہ پشاور نے عارضی طور پر آپریشن معطل کر دیا

امریکی سفارتخانے کا بیان

پشاور (ڈیلی پاکستان آن لائن) پاکستان میں امریکی سفارتخانے کی جانب سے جاری بیان میں بتایا گیا ہے کہ اسلام آباد میں امریکی سفارتخانہ تمام معمول اور ہنگامی قونصلر خدمات فراہم کرے گا۔

یہ بھی پڑھیں: آپ کو کیوں نکالا گیا؟ علی امین گنڈاپور نے صحافی کے سوال کا جواب دیدیا

پشاور قونصل خانہ کی صورتحال

امریکی سفارتخانے کے مطابق امریکی قونصل خانہ پشاور نے 2 مارچ سے عارضی طور پر آپریشن معطل کر دیا ہے۔ کراچی اور لاہور میں ٹریفک رکاوٹوں کے باعث 3 مارچ کو ویزا اور قونصلر اپائنٹمنٹس منسوخ کردیئے گئے ہیں۔

یہ بھی پڑھیں: وزیراعظم اور چیئرمین پی سی بی کی پاکستانی جیولین ٹیم کو تمغے جیتنے پر مبارکباد

اسلام آباد میں خدمات کی بحالی

’’جیو نیوز‘‘ کے مطابق اسلام آباد میں امریکی سفارتخانہ 3 مارچ سے معمول کی قونصلر سروسز بحال کرے گا۔

احتیاطی ہدایت

امریکی حکام نے اہلکاروں کی ملک بھر میں نقل و حرکت محدود رکھنے کا فیصلہ کیا ہے۔

پاکستان میں موجود امریکی شہریوں کو مقامی خبریں مانیٹر کرنے اور احتیاط برتنے کی ہدایت کی گئی ہے۔