حکومت نے ملک بھر میں پیٹرولیم مصنوعات کے ذخائر کو تسلی بخش قراردے دیا

حکومت کی قیمتوں کی نگرانی کا فیصلہ

اسلام آباد(ڈیلی پاکستان آن لائن) حکومت نے پیٹرولیم مصنوعات کی قیمتوں کی نگرانی سخت کرنے کا فیصلہ کیا ہے۔ پیٹرولیم مصنوعات کی سپلائی کا جائزہ لینے کے لیے روزانہ کی بنیاد پر اجلاس ہوگا۔

یہ بھی پڑھیں: 5 اگست احتجاج؛ پی ٹی آئی کارکنان کو جوڈیشل ریمانڈ پر جیل بھیجنے کا حکم

وزیر خزانہ کا اجلاس

وزیرِ خزانہ محمد اورنگزیب کی زیرِ صدارت پیٹرولیم مصنوعات کی طلب و رسد پر اہم اجلاس منعقد ہوا جس کے دوران ملک میں پیٹرولیم مصنوعات کے ذخائر کو تسلی بخش قرار دیا گیا۔

یہ بھی پڑھیں: جوکہتے ہیں پنجاب میں پی ٹی آئی ختم ہوگئی لاہور میں جلسہ کرنے دیں،پتا چل جائے گا کون کتنا مقبول ہے: وزیر اعلیٰ کےپی

عالمی صورتحال پر نظر

وزارت خزانہ نے قرار دیا کہ خطے کی صورتحال پر حکومت کی کڑی نظر رکھی جا رہی ہے، آبنائے ہرمز اور باب المندب کی صورتحال پر تشویش کا اظہار کیا گیا۔ قرار دیا گیا کہ ملک میں فی الحال ایندھن کی کوئی کمی نہیں ہے۔

یہ بھی پڑھیں: اونچے برف پوش پہاڑوں کا دل موہ لینے والا نظارہ کیا، سارا سفر سنسنی خیزی اور رعنائیوں سے بھر پور، آنکھوں کو خیرہ کرتے نظاروں سے لدا تھا۔

توانائی کی فراہمی کی ترجیح

وزارت خزانہ نے بتایا کہ توانائی کی فراہمی یقینی بنانا حکومت کی اولین ترجیح ہے۔ قیمتوں سے متعلق فیصلے شفاف اور مرحلہ وار ہوں گے۔ ایل این جی اور ایل پی جی کی سپلائی کا بھی تفصیلی جائزہ لیا گیا، وزارتوں کو متبادل حکمت عملی تیار کرنے کی ہدایت کردی گئی۔

عوام کو تسلی

اجلاس کے دوران عالمی منڈی میں تیل کی قیمتوں میں اتار چڑھاؤ کا جائزہ لیا گیا اور کہا گیا کہ عوام پریشان نہ ہوں، پیٹرولیم مصنوعات کی سپلائی مستحکم ہے، توانائی کا نظام مکمل طور پر فعال ہے۔