ٹرمپ نے ایران میں رجیم چینج کا پاگل پن بند نہ کیا تو تیسری عالمی جنگ ہوگی، روس نے امریکہ کو خبردار کر دیا

روسی سلامتی کونسل کا انتباہ

ماسکو(ڈیلی پاکستان آن لائن) روس کی سلامتی کونسل کے نائب سربراہ اور سابق صدر دیمتری میدودیف نے کہا ہے کہ اگر ڈونلڈ ٹرمپ نے ایران میں حکومت بدلنے کی کوشش کا پاگل پن والا راستہ ترک نہ کیا تو یقینی طور پر تیسری عالمی جنگ شروع ہو جائے گی۔

یہ بھی پڑھیں: اداکارہ ندا یاسر نے مرضی کے حیران کن راز سے پردہ اٹھا دیا

ایران کی مزاحمت

ایک انٹرویو میں دیمتری میدودیف نے کہا کہ ایران تو امریکا اور اسرائیل کے حملے جھیل لے گا، لیکن حملے کے نتیجے میں امریکا نے ایرانی قوم کو متحد کر دیا ہے، اور ایران دگنی توانائی کے ساتھ کوشش کرے گا کہ وہ نیوکلیئر ہتھیار حاصل کرے۔

یہ بھی پڑھیں: مولانا فضل الرحمان نے جے یو آئی (ف) کے ارکان قومی اسمبلی کے لیے ’’ہدایت نامہ‘‘ جاری کردیا

امریکا کا خطرہ

انہوں نے مزید کہا کہ ایران جنگ سے امریکا اور اسرائیل نے اپنے شہریوں کو زیادہ خطرے میں ڈال دیا ہے۔ یہ امریکا اور اس کے اتحادیوں کی جنگ ہے تاکہ وہ عالمی طور پر غلبہ قائم رکھ سکیں۔

یہ بھی پڑھیں: سوتیلی بیٹی کو ہوس کا نشانہ بنانے والے ملزم کو عبرتناک سزا سنا دی گئی، 2 لاکھ روپے جرمانہ

تیسری عالمی جنگ کی دھمکی

سابق روسی صدر نے مزید کہا کہ اگر ٹرمپ نے ایران میں حکومت بدلنے کی کوشش کا پاگل پن والا راستہ ترک نہ کیا تو یقینی طور پر تیسری عالمی جنگ شروع ہو جائے گی اور کوئی بھی بات اس کا نقطہ آغاز بن سکتی ہے۔

یورپی رہنماؤں کا تذکرہ

مزید براں میدودیف نے یورپی رہنماؤں کو انتہائی احمق قرار دیتے ہوئے کہا کہ امریکا جانتا ہے کہ روس سے نیوکلیئر تنازع کی قیمت کیا ادا کرنا پڑے گی۔ اگر نیوکلیئر تنازع ہوا تو ہیروشیما اور ناگاساکی پر نیوکلیئر بم حملے بچوں کا کھیل نظر آئیں گے۔