ٹرمپ نے ایران میں رجیم چینج کا پاگل پن بند نہ کیا تو تیسری عالمی جنگ ہوگی، روس نے امریکہ کو خبردار کر دیا

روسی سلامتی کونسل کا انتباہ

ماسکو(ڈیلی پاکستان آن لائن) روس کی سلامتی کونسل کے نائب سربراہ اور سابق صدر دیمتری میدودیف نے کہا ہے کہ اگر ڈونلڈ ٹرمپ نے ایران میں حکومت بدلنے کی کوشش کا پاگل پن والا راستہ ترک نہ کیا تو یقینی طور پر تیسری عالمی جنگ شروع ہو جائے گی۔

یہ بھی پڑھیں: ایک دن میں تاریخی کمی کے بعد سونے کی قیمت میں 3500 روپے کا اضافہ

ایران کی مزاحمت

ایک انٹرویو میں دیمتری میدودیف نے کہا کہ ایران تو امریکا اور اسرائیل کے حملے جھیل لے گا، لیکن حملے کے نتیجے میں امریکا نے ایرانی قوم کو متحد کر دیا ہے، اور ایران دگنی توانائی کے ساتھ کوشش کرے گا کہ وہ نیوکلیئر ہتھیار حاصل کرے۔

یہ بھی پڑھیں: اداکارہ منسا ملک نے علیزے شاہ کو ہتک عزت کا قانونی نوٹس بھجوا دیا

امریکا کا خطرہ

انہوں نے مزید کہا کہ ایران جنگ سے امریکا اور اسرائیل نے اپنے شہریوں کو زیادہ خطرے میں ڈال دیا ہے۔ یہ امریکا اور اس کے اتحادیوں کی جنگ ہے تاکہ وہ عالمی طور پر غلبہ قائم رکھ سکیں۔

یہ بھی پڑھیں: اننت امبانی نے لیونل میسی کو 36کروڑ 40لاکھ مالیت کی گھڑی تحفے میں دے دی

تیسری عالمی جنگ کی دھمکی

سابق روسی صدر نے مزید کہا کہ اگر ٹرمپ نے ایران میں حکومت بدلنے کی کوشش کا پاگل پن والا راستہ ترک نہ کیا تو یقینی طور پر تیسری عالمی جنگ شروع ہو جائے گی اور کوئی بھی بات اس کا نقطہ آغاز بن سکتی ہے۔

یورپی رہنماؤں کا تذکرہ

مزید براں میدودیف نے یورپی رہنماؤں کو انتہائی احمق قرار دیتے ہوئے کہا کہ امریکا جانتا ہے کہ روس سے نیوکلیئر تنازع کی قیمت کیا ادا کرنا پڑے گی۔ اگر نیوکلیئر تنازع ہوا تو ہیروشیما اور ناگاساکی پر نیوکلیئر بم حملے بچوں کا کھیل نظر آئیں گے۔