امریکا، اسرائیل اور ایران کے درمیان کشیدگی کے باعث تیل کی قیمتوں میں مسلسل تیسرے دن اضافہ
تیل کی قیمتوں میں اضافہ
لاہور (ڈیلی پاکستان آن لائن) عالمی منڈی میں تیل کی قیمتوں میں تیسرے روز بھی اضافہ ریکارڈ کیا گیا ہے، جس کی بڑی وجہ ایران کے ساتھ بڑھتی ہوئی امریکہ اور اسرائیل کی کشیدگی اور آبنائے ہرمز کے راستے تیل کی ترسیل میں ممکنہ رکاوٹوں کے خدشات ہیں۔
یہ بھی پڑھیں: میں چاہتی ہوں لاہور قلندرز امریکی کرکٹ کے مستقبل کے ستارے تراشنے میں ہماری مدد کرے، ناٹلی بیکر
برینٹ کروڈ آئل کی قیمت میں اضافہ
خبر رساں ادارے رائٹرز کے مطابق برینٹ کروڈ آئل کی قیمت 1.70 ڈالر یا 2.2 فیصد اضافے کے بعد 79.44 ڈالر فی بیرل تک پہنچ گئی۔
ویسٹ ٹیکساس انٹرمیڈیٹ خام تیل کی قیمت
اسی طرح ویسٹ ٹیکساس انٹرمیڈیٹ خام تیل کی قیمت بھی 1.17 ڈالر یا 1.6 فیصد اضافے کے ساتھ 72.40 ڈالر فی بیرل ہو گئی۔ گزشتہ سیشن میں یہ جون 2025 کے بعد بلند ترین سطح تک پہنچنے کے بعد کمی کے باوجود 6.3 فیصد اضافے پر بند ہوا۔
