پاکستان ایئرپورٹس اتھارٹی نے کمرشل پروازوں کے لیے فضائی حدود کی جزوی بندش سے متعلق خبروں کو غلط قرار دے دیا

پاکستان ایئرپورٹس اتھارٹی کا بیان

اسلام آباد (ڈیلی پاکستان آن لائن) پاکستان ایئرپورٹس اتھارٹی نے پاکستانی فضائی حدود کی جزوی بندش سے متعلق خبروں کو غلط قرار دے دیا۔

یہ بھی پڑھیں: سابق بھارتی سپنر ہربھجن سنگھ بھی کولکتہ ٹیسٹ کی پچ پر تنقید کیے بغیر نہ رہ سکے

فضائی حدود کی صورتحال

پی اے اے کے مطابق پاکستان کی فضائی حدود مکمل طور پر محفوظ ہے اور ہر قسم کے کمرشل آپریشنز کے لیے دستیاب ہے۔ نوٹم A0134/26 کسی جزوی بندش سے متعلق نہیں بلکہ صرف مخصوص روٹس کی عارضی عدم دستیابی ظاہر کرتا ہے۔ کراچی اور لاہور فلائٹ انفارمیشن ریجنز میں مخصوص (اے ٹی ایس) روٹس روزانہ صبح 9 سے دن 3 بجے تک متاثر ہوں گے، متبادل ائیرپورٹس اور راستے دستیاب ہیں اور معمول کے مطابق استعمال ہو رہے ہیں۔

کمرشل فلائٹس پر معلومات

پی اے اے کا کہنا ہے کہ تمام کمرشل فلائٹس، آمد، روانگی اور اوور فلائٹس پر کوئی پابندی نہیں۔ اتھارٹی نے واضح کیا کہ غیر مصدقہ خبریں، بالخصوص نوٹمز کی غلط تشریح، مسافروں کے لیے پریشانی کا باعث بن سکتی ہے۔