پمز اور الشفاء ٹرسٹ آئی ہسپتال کے ڈاکٹروں کی ٹیم کا عمران خان کی متاثرہ آنکھ کا معائنہ

پمز اور الشفاء ٹرسٹ کی ٹیم کی اڈیالہ جیل میں معائنہ

راولپنڈی (ڈیلی پاکستان آن لائن) اڈیالہ جیل میں پمز اور الشفاء ٹرسٹ آئی ہسپتال کے ڈاکٹروں کی ٹیم نے بانی پی ٹی آئی عمران خان کی متاثرہ آنکھ کا معائنہ کیا۔ پمز انتظامیہ کے مطابق عمران خان کی بینائی میں کافی بہتری آئی ہے۔

یہ بھی پڑھیں: شارجہ، بارش کے دوران سڑک پر خطرناک کرتب دکھانے پر 8 گاڑیاں ضبط، ڈرائیور گرفتار

میڈیکل ٹیم کی تشکیل

نجی ٹی وی جیو نیوز کے مطابق پمز اور الشفاء ٹرسٹ آئی ہسپتال کے ڈاکٹرز کی ٹیم اڈیالہ جیل پہنچی، میڈیکل ٹیم میں ریٹینا اسپیشلسٹ ڈاکٹر ندیم قریشی بھی شامل تھے۔ پمز کے ماہر امراض چشم ڈاکٹر عارف اور ڈاکٹر اوصل بھی میڈیکل ٹیم میں شامل تھے۔ میڈیکل ٹیم کے ہمراہ جدید طبی آلات سے لیس گاڑی بھی جیل پہنچی۔

یہ بھی پڑھیں: پاکستان ایسوسی ایشن کی نیاز مسلم لائبریری میں زیک انٹرنیشنل انسٹی ٹیوٹ کے طلباء نے علمی و ادبی محفل سجائی

پمز انتظامیہ کا اعلامیہ

اس حوالے سے پمز انتظامیہ نے اعلامیہ جاری کردیا ہے۔ انتظامیہ کا کہنا ہے کہ آنکھوں کے ماہر ڈاکٹروں پر مشتمل بورڈ نے بانی پی ٹی آئی کا معائنہ کیا، بورڈ میں ڈاکٹر ندیم قریشی اور ڈاکٹر محمد عارف خان شامل تھے۔

یہ بھی پڑھیں: کورکمانڈر لاہور کا UMT کا دورہ، طلبہ اور اساتذہ کے ساتھ خصوصی نشست

بینیائی میں بہتری

اعلامیے کے مطابق انٹرا وٹریئل انجیکشن کی دوسری خوراک کے بعد فالو اپ چیک اپ کیا گیا، دونوں آنکھوں کا تفصیلی معائنہ، فنڈواسکوپی اور او سی ٹی ٹیسٹ کیا گیا، میڈیکل بورڈ کے مطابق بانی پی ٹی آئی کی بینائی میں نمایاں بہتری آئی ہے، موجودہ مرحلے پر بانی پی ٹی آئی کی بینائی تسلی بخش قرار دی گئی ہے۔

آئندہ علاج کی ہدایات

اعلامیے کے مطابق عمران خان کے مزید علاج اور دیکھ بھال کے لیے ہدایات جاری کردی ہیں۔