سکردو میں تمام تعلیمی ادارے مزید 2 روز کیلئے بند رکھنے کا اعلان

سکردو میں تعلیمی اداروں کی بندش

سکردو (ڈیلی پاکستان آن لائن) سکردو میں تمام تعلیمی ادارے 2 دن بند رہیں گے۔

یہ بھی پڑھیں: عروب جتوئی کا موبائل فرانزک کروانے کی استدعا منظور

امن عامہ کے خدشات

نجی ٹی وی سما نیوز کے مطابق، ضلعی انتظامیہ سکردو کا کہنا ہے کہ امن عامہ کو لاحق خدشات کے پیش نظر تعلیمی ادارے مزید 2 دن بند رہیں گے۔

یہ بھی پڑھیں: امریکی اراکین کانگریس کا وزیر داخلہ محسن نقوی کے ہمراہ کرتار پور راہداری وگوردوارہ صاحب کا دورہ، زیرو پوائنٹ پر گفتگو

خیبر میں سرکاری سکولوں کی بندش

قبل ازیں ضلعی انتظامیہ خیبر نے بھی تحصیل لنڈی کوتل کے سرحدی علاقوں میں سرکاری سکول غیرمعینہ مدت کے لیے بند کرنے کا اعلان کردیا ہے۔ اعلامیے کے مطابق، یہ فیصلہ طلبا اور اساتذہ کی حفاظت کو یقینی بنانے کے لیے کیا گیا ہے۔ تعلیمی سرگرمیوں کی بحالی کے متعلق لائحہ عمل کا اعلان ہوگا۔

یہ بھی پڑھیں: روپے کے مقابلے میں ڈالر کی قدر میں کمی

شمالی وزیرستان میں سکول بند

پاک، افغان سرحد پر موجودہ صورتحال کے پیش نظر شمالی وزیرستان کے سرحدی علاقوں میں بھی تمام سکولز بند کر دیئے گئے ہیں۔ یہ فیصلہ طلبہ اور سکول عملے کے تحفظ کو یقینی بنانے کے لیے کیا گیا۔

یہ بھی پڑھیں: وزیر اعلیٰ کی گوجرانوالہ کی ایتھلیٹ طالبہ حرم ریحان کو بھارتی ریکارڈ توڑنے پر شاباش، ہر بیٹی کیساتھ ہوں اور رہوں گی: مریم نواز

نگران وزیر اعلیٰ کا اجلاس

دوسری جانب، نگران وزیرِ اعلیٰ گلگت بلتستان کی زیرِ صدارت سپیشل اپیکس کمیٹی کے اجلاس میں مجموعی سیکیورٹی اور انتظامی اقدامات کا جائزہ لیا گیا۔ اجلاس میں واقعات پر جوڈیشل کمیشن کے قیام پر بھی غور کیا گیا۔

امن و امان کی صورتحال

کمیٹی نے فیصلہ کیا کہ سرکاری املاک کو نقصان پہنچانے والوں کو قانون کے کٹہرے میں لایا جائے گا، ریاست کی رٹ ہر صورت برقرار رکھی جائے گی۔ امن و امان کے قیام اور سرکاری تنصیبات کے تحفظ پر کسی قسم کا سمجھوتہ نہیں کیا جائے گا۔