فخر زمان بنگلہ دیش کے خلاف ون ڈے سیریز سے آؤٹ ہوگئے۔
فخر زمان کی ون ڈے سیریز سے غیر موجودگی
لاہور(ڈیلی پاکستان آن لائن)پاکستان کے جارح مزاج بلے باز فخر زمان بنگلا دیش کے خلاف ون ڈے سیریز سے آؤٹ ہوگئے۔
یہ بھی پڑھیں: جارح کو ہر صورت سزا دی جائے گی، ایرانی فوج کا آیت اللہ خامنہ ای کی شہادت کا بدلہ لینے کا اعلان
ہیمسٹرنگ انجری کا شکار
نجی ٹی وی چینل جیو نیوز کے مطابق آئی سی سی ٹی ٹوئنٹی ورلڈ کپ میں سری لنکا کے خلاف جارحانہ اننگز کھیلنے والے فخر زمان ہیمسٹرنگ انجری کا شکار ہوگئے جس کے باعث دورہ بنگلا دیش سے باہر ہوگئے۔
یہ بھی پڑھیں: اپنی فٹنس پر خاص توجہ دی اور 28 کلو وزن کم کیا: قومی کرکٹر شرجیل خان
فٹنس کی بحالی
فخر زمان فٹنس حاصل کرنے کے لیے نیشنل کرکٹ اکیڈمی (این سی اے) میں ری ہیب کریں گے۔
یہ بھی پڑھیں: ڈپٹی چیئرمین سینیٹ سے برطانوی رکن پارلیمنٹ کی وفد کے ہمراہ ملاقات، اہم امور پر گفتگو
پاکستان کی بنگلا دیش کا دورہ
واضح رہے کہ رواں ماہ پاکستان ٹیم بنگلا دیش کا دورہ کرے گی جس میں 3 ون ڈے میچز شامل ہیں۔
پاکستان ون ڈے ٹیم 9 مارچ کو بنگلا دیش کے شہر ڈھاکا پہنچے گی اور 10 مارچ کو پریکٹس سیشن میں حصہ لے گی، جس کے بعد پہلا ون ڈے انٹرنیشنل میچ 11 مارچ، دوسرا 13 مارچ اور تیسرا ون ڈے انٹرنیشنل میچ 15 مارچ کو کھیلا جائے گا اور یہ تمام میچز شیر بنگلا اسٹیڈیم میں کھیلے جائیں گے۔
یہ بھی پڑھیں: بلوچستان میں ریاستی ردِعمل کو غیر معمولی طور پر مؤثر رہا، طلعت حسین
ماضی کے دورے
یاد رہے کہ یہ جولائی 2025 کے بعد پاکستان کا بنگلادیش کا دوسرا دورہ ہوگا، جولائی 2025 میں کھیلی گئی ٹی ٹوئنٹی انٹرنیشنل سیریز بنگلادیش نے جیتی تھی۔
مئی/جون 2025 میں بنگلا دیش نے پاکستان کا دورہ کیا تھا اور سلمان علی آغا کی قیادت میں پاکستان نے ٹی ٹوئنٹی انٹرنیشنل سیریز 3 صفر سے جیتی تھی。
یہ بھی پڑھیں: پاکستان نے غزہ کی صورتحال کو انسانیت کے ضمیر پر دھبہ قرار دے دیا
سیکیورٹی خدشات
خیال رہے کہ یہ امکان بھی ظاہر کیا جارہا ہے کہ پاکستان کرکٹ ٹیم کے دورہ بنگلادیش پر خطے میں پائی جانے والی کشیدگی اثر انداز ہوسکتی ہے۔
ذرائع کے مطابق موجودہ صورتحال کی وجہ سے سفری خطرات اور خدشات نہ بڑھے تو ٹور شیڈول کے مطابق متوقع ہے۔
نوجوان کھلاڑیوں کی شمولیت
ذرائع کے مطابق مضبوط ٹیم کی تشکیل کے لیے ون ڈے اسکواڈ میں نوجوان کھلاڑیوں کی شمولیت کا امکان ہے جبکہ ٹی 20 فارمیٹ کے انڈر پرفارمرز کو باہر کیا جاسکتا ہے۔ صائم ایوب، بابر اعظم اور محمد نواز کی جگہ نوجوان کھلاڑیوں کو موقع دیے جانے پر غور ہوگا۔
