آیت اللہ علی خامنہ ای کے بیٹے مجتبیٰ خامنہ ای ایران کے سپریم لیڈر منتخب: اسرائیلی میڈیا کا دعویٰ

ایران کا نیا سپریم لیڈر

تہران (ڈیلی پاکستان آن لائن) آیت اللّٰہ علی خامنہ ای کے بیٹے مجتبیٰ خامنہ ای کو ایران کا سپریم لیڈر منتخب کرلیا گیا۔

یہ بھی پڑھیں: والدہ نے شادی میں 22 سال ظلم سہنے کے بعد زہر کھا کر جان دی، معروف بھارتی کامیڈین منور فاروقی کا انکشاف

اسرائیلی میڈیا کا دعویٰ

اسرائیلی میڈیا کی جانب سے مجتبیٰ خامنہ ای کو ایران کا سپریم لیڈر منتخب کرنے کا دعویٰ کیا گیا ہے۔ اس اسرائیلی دعوے کی تصدیق ایران کے سرکاری حکام نے ابھی تک نہیں کی۔

یہ بھی پڑھیں: پاکستانی سی فوڈ معیار کا عالمی اعتراف، امریکا کو برآمدات میں مزید 4 سال کی توسیع کی اجازت مل گئی

مجلس خبرگان رہبری کا عمل

اس سے پہلے اسرائیلی میڈیا نے دعویٰ کیا تھا کہ اٹھاسی رکنی مجلس خبرگان رہبری نئے سپریم لیڈر کا انتخاب آن لائن کررہی ہے اور یہ معاملہ حتمی مرحلے میں داخل ہوچکا ہے۔

یہ بھی پڑھیں: آپریشن ’’غضب للحق‘‘ جاری، کرم سیکٹر میں افغان طالبان اور فتنہ خوارج کی کئی پوسٹیں تباہ

مجلس خبرگان رہبری کی عمارت کا حال

مجلس خبرگان رہبری کی قم میں واقع عمارت کو امریکا اور اسرائیل نے حملے کرکے تباہ کردیا تھا تاہم عمارت پہلے ہی خالی کرالی گئی تھی، اس لیے جانی نقصان نہیں ہوا تھا۔

یہ بھی پڑھیں: آئمہ کرام کی رجسٹریشن۔۔ ؟سوشل میڈیا پر پروپیگنڈا،حکومتِ پنجاب نے واضح تردید کر دی

تدفین کا مقام اور اجتماع

دوسری جانب ایرانی سپریم لیڈر آیت اللّٰہ خامنہ ای کی تدفین تہران میں بڑے تعزیتی اجتماع کے بعد مشہد میں ہوگی۔

ایرانی خبر ایجنسی کے مطابق آیت اللّٰہ علی خامنہ ای کی تدفین کا تہران میں تعزیتی اجتماع امام خمینی ہال میں ہوگا، جبکہ سپریم لیڈر کی مشہد میں تدفین کے دن کا تعین نہیں کیا گیا۔

انتخاب کا عمل

واضح رہے کہ ایران کے سپریم لیڈر کے انتخاب کا عمل 'مجلسِ خبرگان' یعنی 'اسمبلی آف ایکسپرٹس' کے ہاتھ میں ہوتا ہے۔ یہ مجلس 88 جید علمائے دین اور فقہا پر مشتمل ہوتی ہے، جن کا انتخاب ہر 8 سال بعد براہِ راست عوامی ووٹوں کے ذریعے کیا جاتا ہے۔