طیارہ خریدنے کے بعد پنجاب حکومت کے اخراجات میں اضافہ ہونے لگا

پنجاب حکومت کے نئے طیارے سے اخراجات میں اضافہ

لاہور(ڈیلی پاکستان آن لائن) طیارہ خریدنے کے بعد پنجاب حکومت کے اخراجات میں اضافہ ہونے لگا۔

یہ بھی پڑھیں: میرا اگلا پڑاؤ ابو سمبل کے کھنڈرات تھے، ایک چرواہے نے ان کی نشاندہی کی تھی، یہ سب ناصر جھیل کے پانیوں میں غرق ہو جانے والے تھے.

سپلیمنٹری گرانٹ کی منظوری

نجی ٹیوی چینل دنیا نیوز کے مطابق ذرائع کا کہنا ہے کہ طیارے کے آپریشن اور اخراجات کیلئے سپلیمنٹری گرانٹ منظور کر لی گئی۔ پنجاب حکومت نے وی آئی پی فلائٹ کیلئے 86 کروڑ 15 لاکھ روپے کے اضافی فنڈز کی منظوری دے دی۔

یہ بھی پڑھیں: اسلام آباد میں فوج کو دئیے گئے نئے اختیارات: لاٹھی چارج اور گرفتاری شامل

پائلٹس کی ٹریننگ اور اخراجات

ذرائع کا مزید کہنا ہے کہ پائلٹس کو ہر چار سے چھ ماہ بعد امریکا میں ریفریشر کورس کرنا لازمی قرار دیا گیا ہے۔ وی آئی پی فلائٹ کے پائلٹس کے ٹریننگ سفروں پر 6 کروڑ 51 لاکھ روپے خرچ ہوں گے۔ پائلٹس کے ریفریشر کورسز کیلئے 14 کروڑ 33 لاکھ روپے اضافی درکار ہیں، جبکہ آپریشنل سبسکرپشن اور پروگرامز کیلئے 49 کروڑ 78 لاکھ روپے مزید درکار ہیں۔

یہ بھی پڑھیں: دبئی سے آنے والی خاتون نے کسٹم ڈیوٹی مانگنے پر 10 تولہ سونا ایئرپورٹ پر پھینک دیا، پھر کیا ہوا؟

ایندھن اور انشورنس کے اضافی اخراجات

ذرائع کے مطابق وی آئی پی طیارے کے ایندھن کیلئے تقریباً 5 کروڑ روپے اضافی درکار ہیں۔ طیارے کے باعث انشورنس اخراجات بھی کئی گنا بڑھنے کا تخمینہ لگایا گیا ہے، وی آئی پی طیارے کی انشورنس کیلئے 6 کروڑ 40 لاکھ روپے اضافی مانگ لئے گئے ہیں۔

تکنیکی عملے اور دیگر اخراجات

تکنیکی عملے اور کنسلٹنٹس کیلئے 50 لاکھ روپے اضافی مختص کئے گئے ہیں۔ ذرائع کے مطابق وی آئی پی طیارے کے پرزے امریکا سے درآمد، ڈیوٹی اور ٹیکس بھی ادا کیا گیا۔