پیٹرولیم مصنوعات کی ممکنہ قلت کا خدشہ، پیٹرول پمپ اونرز ایسوسی ایشن کا وزیراعظم کو ہنگامی خط
کراچی میں پیٹرولیم مصنوعات کی قلت کا خدشہ
ملک میں پیٹرولیم مصنوعات کی ممکنہ قلت کا خدشہ پیدا ہوگیا ہے جس پر آل پاکستان پیٹرول پمپ اونرز ایسوسی ایشن کی جانب سے وزیراعظم کو ہنگامی خط لکھ دیا گیا ہے۔
یہ بھی پڑھیں: ایران سے کشیدگی کے پیشِ نظر مشرقِ وسطیٰ میں ایک اور طیارہ بردار بحری جہاز تعینات کرنے پر غور کر رہے ہیں، ٹرمپ
خط میں آئل مارکیٹنگ کمپنیوں کا موقف
نجی ٹی وی چینل ''دنیا نیوز'' کے مطابق خط میں مؤقف اختیار کیا گیا ہے کہ آئل مارکیٹنگ کمپنیوں کی جانب سے کوٹہ سسٹم نافذ کیا گیا ہے جس کے باعث پیٹرول پمپس کو مطلوبہ مقدار میں تیل فراہم نہیں کیا جا رہا۔
یہ بھی پڑھیں: الیکشن کمیشن نے عمران خان اور نواز شریف کو طلب کرلیا
پیٹرول پمپ اونرز کے مسائل
پیٹرول پمپ اونرز ایسوسی ایشن نے خط میں کہا ہے کہ آرڈرز دینے کے باوجود آئل سپلائی تاخیر کا شکار ہے اور ٹینکرز گھنٹوں انتظار پر مجبور ہیں۔ اس صورتحال کے باعث مصنوعی قلت پیدا ہونے سے عوام میں خوف و ہراس پھیلنے کا خدشہ ہے۔
یہ بھی پڑھیں: پہلے آسٹریلیا اور پھر افریقہ، کپتان محمد رضوان نے اہم اعزاز حاصل کرلیا
حکومت سے فوری مداخلت کا مطالبہ
ایسوسی ایشن نے حکومت سے فوری مداخلت کا مطالبہ کرتے ہوئے کہا ہے کہ آئل کمپنیوں کو کسی بھی قسم کی پابندیاں عائد کرنے سے قبل مشاورت کا پابند بنایا جائے۔
فوری بہتر فراہمی کی اپیل
پیٹرول پمپ مالکان نے پیٹرولیم مصنوعات کی فراہمی فوری طور پر بہتر بنانے کی اپیل بھی کی ہے تاکہ ممکنہ قلت اور عوامی پریشانی سے بچا جا سکے۔
