لاہور ہائی کورٹ نے 18 روز کی چھٹی پر بیرون ملک جا کر واپس نہ آنے والے سول جج کو عہدہ سے برطرف کر دیا

سول جج کی 18 روز کی چھٹی

لاہور (ڈیلی پاکستان آن لائن) 18 روز کی چھٹی پر بیرون ملک جا کر واپس نہ آنے والے سول جج کو عہدے سے برطرف کر دیا گیا۔ نوٹیفکیشن کے مطابق سول جج سرمد سلیم 18 روز کی چھٹی لے کر بیرون ملک گئے تھے، لیکن انہوں نے واپس آکر دوبارہ چارج لیے بغیر اپنا استعفیٰ بھجوا دیا۔

انکوائری کمیٹی کا فیصلہ

روزنامہ جنگ کے مطابق چیف جسٹس لاہور ہائیکورٹ نے سیشن جج جہلم کی سربراہی میں انکوائری کمیٹی تشکیل دی، جس میں ثابت ہوا کہ سول جج نے چھٹیوں کے بعد آفس کا چارج لیے بغیر استعفیٰ بھجوایا۔ سول جج کا استعفیٰ مسترد کر کے عہدے سے برطرف کیا جاتا ہے۔

مزید برطرفیوں کے حالات

مس کنڈکٹ اور کرپشن کے الزامات پر بھی 2 سول جج عہدوں سے بر طرف کر دیے گئے۔ نوٹیفکیشن کے مطابق سول جج لاہور نسیم اختر ناز کو الزامات ثابت ہونے پر عہدے سے برطرف کیا گیا، جبکہ سول جج راولپنڈی محمد اسلم کو بھی الزام ثابت ہونے پر برطرف کیا گیا۔