زیادہ تر شہروں میں درجہ حرارت میں اضافہ ہونے کا امکان، کچھ جگہوں پر ہلکی بارش کی توقع

موسم کی پیشگوئی

اسلام آباد(ڈیلی پاکستان آن لائن) محکمہ موسمیات نے ملک کے بیشتر علاقوں میں موسم گرم اور خشک رہنے کی پیشگوئی کی ہے، ملک بھر میں گرمی کی شدت میں اضافہ ہو رہا ہے۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا ؟

اسلام آباد اور خیبرپختونخوا میں حالات

نجی ٹی وی سما نیوز کے مطابق محکمہ موسمیات کا کہنا ہے کہ اسلام آباد میں درجہ حرارت 30 ڈگری تک جانے کا امکان ہے، خیبرپختونخوا کے بیشتر اضلاع میں بھی موسم خشک رہنے کا امکان ہے۔ چترال، دیر، سوات، کوہستان میں چند مقامات پر ہلکی بارش متوقع ہے۔

یہ بھی پڑھیں: ایمل ولی خان نے دہشتگردوں کی حمایت کرنیوالوں کے حوالے سے بڑا مطالبہ کر دیا

میدانی علاقوں کے درجہ حرارت کی معلومات

خیبرپختونخوا کے میدانی علاقوں میں پارہ 33 ڈگری تک جانے کا امکان ہے، پنجاب کے بیشتر اضلاع میں دن کے وقت موسم گرم رہنے کا امکان ہے۔

صوبائی درجہ حرارت کی تفصیلات

پنجاب کے وسطی اور جنوبی اضلاع میں درجہ حرارت 34 ڈگری متوقع ہے، سندھ میں دن کا درجہ حرارت 37 ڈگری سینٹی گریڈ، بلوچستان کے جنوبی علاقوں میں درجہ حرارت 35 ڈگری تک رہنے کی توقع ہے۔