بیٹی کی سالگرہ: عماد وسیم کی پوسٹ پر سابقہ اہلیہ ثانیہ اشفاق کا سخت ردعمل
عماد وسیم اور ثانیہ اشفاق کی علیحدگی
کراچی(ڈیلی پاکستان آن لائن) قومی کرکٹر عماد وسیم کی سوشل میڈیا پوسٹ پر ان کی سابقہ اہلیہ ثانیہ اشفاق نے تلخ جملوں کے ساتھ ردعمل دیا۔
عماد وسیم اور ثانیہ اشفاق نے 6 سال کی ازدواجی زندگی کے بعد حال ہی میں علیحدگی اختیار کی ہے۔
یہ بھی پڑھیں: افغان حکومت آنے کے بعد افغان سرزمین سے پاکستان پر ہونے والے حملوں میں 40 فیصد اضافہ ہوا: بلاول بھٹو زرداری
ثانیہ اشفاق کی تنہائی اور بچوں کی پرورش
رپورٹس کے مطابق ثانیہ اشفاق اس وقت اپنے 3 بچوں کی تنہا پرورش کر رہی ہیں اور ان کا کہنا ہے کہ بچوں کو ان کے والد کی طرف سے نظر انداز کیا جا رہا ہے۔
یہ بھی پڑھیں: عوام ہمارا ساتھ دیں ،سانحہ گل پلازہ پر بات کرنےکی اجازت نہیں دی جارہی، اپوزیشن لیڈر سندھ اسمبلی
سالگرہ کے موقع پر سوشل میڈیا کی سرگرمیاں
حال ہی میں، عماد وسیم نے اپنی بیٹی عنایہ کی سالگرہ کے موقع پر سوشل میڈیا پر ایک تصویر شیئر کرتے ہوئے لکھا کہ "میری بیٹی کو سالگرہ مبارک، بابا تم سے بہت محبت کرتے ہیں۔"
یہ بھی پڑھیں: رول ماڈل بن کر درویشی کی زندگی بسر کرتے ہوئے صرف ملک و قوم کی خدمت کو اپنا شعار بنائیں، عوام سے کوئی بات نہ چھپائیں، اعتماد میں لیں
ثانیہ اشفاق کا جواب
اس پوسٹ کا جواب دیتے ہوئے، ثانیہ اشفاق نے اپنی بیٹی کو سالگرہ کی مبارک باد دیتے ہوئے اپنے ردِعمل میں لکھا کہ "میری خوبصورت بیٹی کو پانچویں سالگرہ مبارک، تم ایک ایسے بچپن کی حق دار ہو جو محبت، تحفظ اور استحکام سے بھرا ہو۔"
انہوں نے مزید کہا کہ یہ دیکھنا تکلیف دہ ہے کہ سوشل میڈیا پر بابا تم سے بہت محبت کرتے ہیں جیسے پیغامات دیے جاتے ہیں جبکہ نجی طور پر کہا جا رہا ہے کہ بچوں اور ان کی ماں کو بے گھروں کی پناہ گاہ میں بھیج دیا جائے۔
یہ بھی پڑھیں: کمبوڈیا میں دو پاکستانی نوجوان مبینہ طورپر اغوا، جان کو شدید خطرہ
حقیقی زندگی کی ضرورت
ثانیہ اشفاق نے آگے کہا کہ بچوں کو صرف سوشل میڈیا کے الفاظ کی نہیں بلکہ حقیقی زندگی میں تحفظ، سچائی اور ذمے داری کی ضرورت ہوتی ہے، اور ماں ہمیشہ ان کی حفاظت کرے گی۔
سوشل میڈیا پر عوامی حمایت
سوشل میڈیا پر اس معاملے کے بعد صارفین کی بڑی تعداد ثانیہ اشفاق کے حق میں سامنے آگئی، اور متعدد لوگوں نے ان کی بیٹی عنایہ کو سالگرہ کی مبارک باد دیتے ہوئے ثانیہ اشفاق کی ہمت کی تعریف کی۔
