ایرانی بحریہ کا جنگی جہاز سمندر میں تباہ، 80 افراد ہلاک، 32 اہلکاروں کو بچا لیا گیا

سری لنکا میں ریسکیو آپریشن

کولمبو(ڈیلی پاکستان آن لائن )سری لنکا کی بحریہ اور فضائیہ نے منگل کے روز ایرانی بحریہ کے ایک فریگیٹ سے موصول ہونے والی ہنگامی کال کے بعد سمندر میں ریسکیو آپریشن کرتے ہوئے 32 افراد  کو زندہ بچا لیا۔

یہ بھی پڑھیں: جیسے ہی اصل امتحان آتا ہے، گنڈا پور میدان چھوڑ کر بھاگ جاتا ہے:عظمیٰ بخاری

واقعہ کی تفصیلات

تفصیلات کے مطابق امریکی آبدوز نے بھارت سے بحری مشقوں کے بعد واپس ایران جانے والے فریگیٹ کو سری لنکا کے قریب نشانہ بنایا اور تباہ کر دیا ، یہ واقعہ سری لنکا کے ساحل سے تقریباً 40 کلومیٹر دور پیش آیا۔ جب سری لنکا کو مدد کی کال موصول ہوئی تو ریسکیو آپریشن کیا گیا جس میں 32 افراد کو زندہ بچا لیا گیا جبکہ 80 سے زائد لاشیں سمندر سے نکالی جا چکی ہیں۔

یہ بھی پڑھیں: لاہور میں 2246 ٹریڈرز کو کل سے پتنگوں، گڈوں اور ڈور کی فروخت کی اجازت مل گئی

ریسکیو کی کارروائی

ریسکیو ٹیموں نے سمندر میں زندہ بچ جانے والوں کی تلاش کے لیے وسیع پیمانے پر کارروائی کی، تاہم ابتدائی طور پر فریگیٹ یا اس کے ملبے کے واضح آثار نہیں مل سکے۔ بعد ازاں امریکی وزیر دفاع نے تصدیق کی کہ امریکی آبدوز نے بین الاقوامی پانیوں میں ایرانی فریگیٹ کو ٹارپیڈو سے نشانہ بنایا۔

یہ بھی پڑھیں: لاہور میں ڈینگی وائرس سے 3 افراد کی ہلاکت کی تصدیق

بین الاقوامی بحری اجتماع

رپورٹس کے مطابق IRIS Dena اور دیگر ایرانی بحری جہاز بھارت کے شہر وشاکا پٹنم میں منعقد ہونے والے انٹرنیشنل فلیٹ ریویو 2026 میں شرکت کے بعد واپس جا رہے تھے۔ اس بین الاقوامی بحری اجتماع میں 54 ممالک نے حصہ لیا تھا۔

جانی نقصان اور طبی امداد

ریسکیو حکام کے مطابق اب تک 80 سے زائد لاشیں سمندر سے نکال کر سری لنکا کے شہر  گالے کے اسپتال منتقل کی جا چکی ہیں، جبکہ قریبی طبی مراکز کو بھی ہنگامی حالت میں تیار کر لیا گیا ہے تاکہ مزید لاشوں اور زخمیوں کو رکھا جا سکے۔