ایرانی بحریہ کا جنگی جہاز سمندر میں تباہ، 80 افراد ہلاک، 32 اہلکاروں کو بچا لیا گیا

سری لنکا میں ریسکیو آپریشن

کولمبو(ڈیلی پاکستان آن لائن )سری لنکا کی بحریہ اور فضائیہ نے منگل کے روز ایرانی بحریہ کے ایک فریگیٹ سے موصول ہونے والی ہنگامی کال کے بعد سمندر میں ریسکیو آپریشن کرتے ہوئے 32 افراد  کو زندہ بچا لیا۔

یہ بھی پڑھیں: ملک میں بجلی ایک ماہ کے لیے مہنگی ہونے کا امکان

واقعہ کی تفصیلات

تفصیلات کے مطابق امریکی آبدوز نے بھارت سے بحری مشقوں کے بعد واپس ایران جانے والے فریگیٹ کو سری لنکا کے قریب نشانہ بنایا اور تباہ کر دیا ، یہ واقعہ سری لنکا کے ساحل سے تقریباً 40 کلومیٹر دور پیش آیا۔ جب سری لنکا کو مدد کی کال موصول ہوئی تو ریسکیو آپریشن کیا گیا جس میں 32 افراد کو زندہ بچا لیا گیا جبکہ 80 سے زائد لاشیں سمندر سے نکالی جا چکی ہیں۔

یہ بھی پڑھیں: پارلیمنٹ کی پبلک اکاؤنٹس کی ذیلی کمیٹی کا اجلاس، ملک بھر میں پاسپورٹ دفاتر سے ہزاروں پاسپورٹ چوری ہونے کا انکشاف

ریسکیو کی کارروائی

ریسکیو ٹیموں نے سمندر میں زندہ بچ جانے والوں کی تلاش کے لیے وسیع پیمانے پر کارروائی کی، تاہم ابتدائی طور پر فریگیٹ یا اس کے ملبے کے واضح آثار نہیں مل سکے۔ بعد ازاں امریکی وزیر دفاع نے تصدیق کی کہ امریکی آبدوز نے بین الاقوامی پانیوں میں ایرانی فریگیٹ کو ٹارپیڈو سے نشانہ بنایا۔

یہ بھی پڑھیں: بھارت کو بھی “دھمکی” مل گئی

بین الاقوامی بحری اجتماع

رپورٹس کے مطابق IRIS Dena اور دیگر ایرانی بحری جہاز بھارت کے شہر وشاکا پٹنم میں منعقد ہونے والے انٹرنیشنل فلیٹ ریویو 2026 میں شرکت کے بعد واپس جا رہے تھے۔ اس بین الاقوامی بحری اجتماع میں 54 ممالک نے حصہ لیا تھا۔

جانی نقصان اور طبی امداد

ریسکیو حکام کے مطابق اب تک 80 سے زائد لاشیں سمندر سے نکال کر سری لنکا کے شہر  گالے کے اسپتال منتقل کی جا چکی ہیں، جبکہ قریبی طبی مراکز کو بھی ہنگامی حالت میں تیار کر لیا گیا ہے تاکہ مزید لاشوں اور زخمیوں کو رکھا جا سکے۔