گورنمنٹ کالج ساہیوال الومنائی ایسوسی ایشن کی سالانہ ری یونین تقریب 28 مارچ کو ہو گی

سالانہ ری یونین تقریب

لاہور( کلچرل رپورٹر) گورنمنٹ کالج ساہیوال الومنائی ایسوسی ایشن اپنی سالانہ ری یونین تقریب کا رواں ماہ 28 مارچ کو گورنمنٹ کالج ساہیوال میں انعقاد کر رہی ہے۔

یہ بھی پڑھیں: والدین نے سماجی عشق دیکھا تو ازدواجی عشق میں گرفتار کروا دیا، وکالت کا پیشہ اختیار کرنا چاہتے تھے لیکن بیگم کالے کوٹ کے درمیان حائل ہو گئیں

خصوصی مہمان

کالج کے پرنسپل ڈاکٹر ممتاز احمد وٹو کی میزبانی میں ری یونین تقریب میں کالج کے سابق طالب علم وفاقی وزیر سید عمران احمد شاہ بطور مہمانِ خصوصی اور گورنر سٹیٹ بینک جمیل احمد بطور مہمانِ اعزاز شرکت کر رہے ہیں۔

یہ بھی پڑھیں: CAMON 30S: فوٹو گرافی کے غیر معمولی تجربے کیلئے Sony AI کیمرہ کا حامل

رجسٹریشن کی معلومات

اس تقریب میں کالج کے ہر سابق طالب علم کو شمولیت کی دعوت دی گئی ہے جو 15 مارچ تک اپنی رجسٹریشن کرا سکتے ہیں۔ جی سی ساہیوال ایلومنائی ایسوسی ایشن کے سرپرست اعلیٰ مجیب الرحمان شامی، سرپرست اور وائس پرنسپل ڈاکٹر افتخار شفیع، صدر ایلومنائی عاطف محمود صاحب، سینئر نائب صدر سعید آسی، نائب صدر ڈاکٹر جاوید اقبال ندیم اور گورننگ باڈی کے ارکان سجاد میر، ریاض مسعود اور دیگر عہدیداران ری یونین تقریب میں شمولیت کے لیے جی سی ساہیوال کے سابق طلباء سے رابطے کر رہے ہیں جن میں اعلیٰ عدلیہ کے سابق ججز، سابق اور موجودہ بیوروکریٹس اور معروف سیاسی شخصیات بھی شامل ہیں۔

تقریب کی تفصیلات

اس عشائیہ تقریب کا آغاز شام 6 بجے ہوگا۔ تقریب کے موقع پر جی سی ساہیوال کے مجلہ ’’ساہیوال‘‘ کی رونمائی بھی ہوگی جبکہ اس تقریب میں مشاعرہ اور ہلکے پھلکے ثقافتی پروگرام کا بھی اہتمام کیا گیا ہے۔