ایران پر امریکی اور اسرائیلی حملوں کے نتیجے میں شہدا کی تعداد 1230 تک پہنچ گئی

ایران میں حملوں کا اثر

تہران (ڈیلی پاکستان آن لائن) ایران پر امریکی اور اسرائیلی حملوں کے نتیجے میں اب تک 1230 افراد شہید ہو چکے ہیں، جبکہ لبنان پر جاری اسرائیلی حملوں میں 77 افراد جان سے گئے۔

یہ بھی پڑھیں: کراچی میں ای چالان کے حوالے سے ایک کے بعد ایک انوکھا واقعہ، شہری کو 13 دن میں 2 ای چالان موصول

جوابی حملوں کی تفصیلات

عرب میڈیا کے مطابق ایران کی جانب سے اسرائیل پر جوابی حملوں میں 11 افراد ہلاک ہوئے جن میں 6 امریکی فوجی بھی شامل ہیں۔ مزید بتایا گیا ہے کہ ایرانی حملوں کے دوران متحدہ عرب امارات میں 3 افراد ہلاک ہوئے، جبکہ بحرین میں میزائل مار گرانے کے بعد صنعتی علاقے میں آگ لگنے سے ایک شخص جاں بحق ہوا۔

دیگر ممالک میں نقصانات

اسی طرح کویت میں ایرانی حملوں کے نتیجے میں 2 کویتی فوجیوں سمیت 4 افراد ہلاک ہوئے، جبکہ عمان کی ایک بندرگاہ پر آئل ٹینکر پر پروجیکٹائل حملے میں بھی ایک شخص جان سے گیا۔