ایران اسرائیل کشیدگی، سوشل میڈیا پرشمالی کوریا کے سپریم لیڈر کم جونگ اُن کی میمز وائرل

ایران اور اسرائیل کے درمیان کشیدگی

لاہور (ڈیلی پاکستان آن لائن) ایران اور اسرائیل کے درمیان بڑھتی ہوئی کشیدگی نے جہاں عالمی سیاست میں ہلچل مچادی ہے، وہیں سوشل میڈیا صارفین نے اس صورتحال کو طنز و مزاح کا رنگ دیتے ہوئے شمالی کوریا کے سپریم لیڈر کم جونگ اُن کو بھی بحث میں گھسیٹ لیا ہے۔

یہ بھی پڑھیں: لاہور کے فضائی معیار میں نمایاں بہتری، متعلقہ ادارے فیلڈ میں مسلسل متحرک ہیں: سینئر وزیر مریم اورنگزیب

سوشل میڈیا پر کم جونگ اُن کی طنزیہ میمز

حالیہ دنوں مختلف پلیٹ فارمز پر کم جونگ اُن سے متعلق دلچسپ اور طنزیہ میمز تیزی سے وائرل ہورہی ہیں۔ کئی صارفین نے طنزیہ انداز میں یہ بھی لکھا کہ میزائل تجربات اور جدید ہتھیاروں کی نمائش کے لیے مشہور رہنما اس وقت عالمی میدانِ جنگ سے مکمل طور پر غائب ہیں۔

یہ بھی پڑھیں: میڈیا کو منفی مؤقف کو بڑھاوا نہیں دینا چاہیے تاکہ سفارت خانے پاکستان کے مفادات کے تحفظ کی پاسبانی کا فریضہ مؤثر انداز میں انجام دے سکیں

ویڈیو کال پر کم جونگ اُن

ایک وائرل میم میں کم جونگ اُن کو دوربین سے دیکھتے ہوئے یا اسکرین پر نظریں جمائے دکھایا گیا ہے، جس کے ساتھ کیپشن درج ہے: ’’بیٹا، کیا تم صورتحال کی نگرانی کر رہے ہو؟‘‘ اس انداز نے انہیں مشرقِ وسطیٰ کی کشیدگی کو فاصلے سے دیکھنے والے متجسس ناظر کے طور پر پیش کیا ہے۔

یہ بھی پڑھیں: بلوچستان کے عوام کو نقصان پہنچانے کے لیے دشمن کا منظم حملہ سیکیورٹی فورسز نے ناکام بنادیا، پاکستان جرنلسٹس فورم جدہ

بہترین ہتھیاروں کی موجودگی

اسی طرح بعض میمز میں یہ تاثر دیا گیا کہ جدید ہتھیاروں کے ’’بہترین کھلونوں‘‘ کے باوجود انہیں موجودہ کشیدگی میں شامل نہ کیے جانے پر شاید نظر انداز کیے جانے کا احساس ہو رہا ہوگا۔ سوشل میڈیا کی یہ تخلیقی مگر طنزیہ لہر اس بات کی عکاسی کرتی ہے کہ عالمی سیاسی بحران بھی آن لائن دنیا میں مزاحیہ انداز اختیار کر لیتے ہیں۔