میچ کے دوران گھبرا گیا تھا اور میرے دل کی دھڑکن 160 سے 175 تک جا پہنچی تھی، سنسنسی خیز مقابلے میں جیت کے بعد سوریا کمار یادیو کا بیان

بھارتی کرکٹ ٹیم کی تاریخی فتح

ممبئی (ڈیلی پاکستان آن لائن) بھارتی کرکٹ ٹیم کے کپتان سوریا کمار یادو نے انگلینڈ کے خلاف سیمی فائنل میں تاریخی فتح اور فائنل میں رسائی کے بعد اپنے جذبات کا اظہار کرتے ہوئے اسے ایک "ناقابلِ یقین احساس" قرار دیا ہے۔ ممبئی کے وانکھیڈے اسٹیڈیم میں کھیلے گئے اس اعصاب شکن مقابلے کے بعد گفتگو کرتے ہوئے انہوں نے کہا کہ اپنے ملک میں ٹیم کی قیادت کرنا اور ایسی کامیابی حاصل کرنا لفظوں میں بیان کرنا مشکل ہے۔

یہ بھی پڑھیں: ایران کیلیے جاسوسی پر فوجی اہلکار سمیت 7 اسرائیلی شہری گرفتار

سنجو سیمسن کی شاندار اننگز

کپتان نے سنجو سیمسن کی اننگز کی تعریف کرتے ہوئے کہا کہ سنجو کو معلوم تھا کہ ٹیم کو ان سے کیا ضرورت ہے اور انہوں نے وقت کی نزاکت کو سمجھتے ہوئے بہترین باری کھیلی۔ سوریا کمار نے اعتراف کیا کہ وہ میچ کے دوران کافی گھبرائے ہوئے تھے اور ان کے دل کی دھڑکن 160 سے 175 تک جا پہنچی تھی، تاہم جسپریت بمراہ اور دیگر باؤلرز نے جس طرح کھیل کو انگلینڈ کی گرفت سے نکالا وہ حیران کن تھا۔

یہ بھی پڑھیں: لندن میں وزیر دفاع خواجہ آصف کو گالیاں اور دھمکیاں دینے کی ویڈیو منظر عام پر آگئی

اسٹیڈیم کا ماحول اور تماشائیوں کی توقعات

انہوں نے مزید کہا کہ جب ہم گراؤنڈ میں داخل ہوئے تو اسٹیڈیم 80 فیصد بھر چکا تھا اور ہمیں امید ہے کہ ہم نے تماشائیوں کو ایک اچھا میچ دکھایا۔ فیلڈنگ کوچ ٹی دلیپ کا شکریہ ادا کرتے ہوئے انہوں نے کہا کہ کھلاڑی فیلڈنگ میں غیر معمولی محنت کر رہے ہیں جس کے نتائج سامنے آ رہے ہیں۔ مڈل آرڈر کے بارے میں بات کرتے ہوئے انہوں نے بتایا کہ عادل رشید کے خلاف شیوم دوبے کو بھیجنا ایک بہترین حکمتِ عملی (Match-up) ثابت ہوا۔

ورلڈ کپ کا دباؤ اور جوش و خروش

سوریا کمار یادو کا کہنا تھا کہ بھارت میں ورلڈ کپ ٹائٹل کے لیے کھیلنے کا دباؤ ضرور ہوگا لیکن کھلاڑی اور سپورٹ اسٹاف اس چیلنج کے لیے مکمل طور پر پرجوش ہیں۔