پاکستان کا سعودی عرب سے دفاعی معاہدہ ہے اور ہم حرمین شریفین کی حفاظت کے لیے ہر حد تک جائیں گے، طارق فضل چوہدری

وزیر پارلیمانی امور کا بیان

اسلام آباد(ڈیلی پاکستان آن لائن) وفاقی وزیر برائے پارلیمانی امور، ڈاکٹر طارق فضل چوہدری نے کہا ہے کہ ہمارے ایٹمی ہتھیار پاکستان کی حفاظت کے لیے ہیں۔ پاکستان کی سالمیت اور خودمختاری ہماری اولین ذمہ داری ہے۔

یہ بھی پڑھیں: سانحہ گل پلازہ، جسٹس آغا فیصل کو جوڈیشل انکوائری سے متعلق جوڈیشل کمیشن کا جج نامزد کردیا گیا

سعودی عرب سے دفاعی معاہدہ

جیو نیوز کے پروگرام کیپٹل ٹاک میں گفتگو کرتے ہوئے، طارق فضل چوہدری نے کہا کہ پاکستان کا سعودی عرب سے دفاعی معاہدہ موجود ہے اور ہم حرمین شریفین کی حفاظت کے لیے ہر حد تک جائیں گے۔

یہ بھی پڑھیں: وزیراعلیٰ سہیل آفریدی سمیت خیبرپختونخوا کے 5 اراکین اسمبلی اشتہاری قرار

پی ٹی آئی کی حمایت

پی ٹی آئی کے ڈاکٹر نثار جٹ نے اس بات پر اتفاق کرتے ہوئے کہا کہ حرمین شریفین کی حفاظت کے لیے ہم لبیک کہیں گے۔

دفاعی تجزیہ کار کا نقطہ نظر

دفاعی تجزیہ کار جاوید اقبال نے کہا کہ پاکستان کے پاس 28 دن کا تیل اور 12 دن کی ایل پی جی موجود ہے۔ اگر آبنائے ہرمز بند ہو جائے تو متبادل راستے کے ذریعے تیل لانے کے لیے سعودی عرب سے معاہدہ ہے۔