مشرق وسطیٰ میں جنگی صورتحال، چھ دن بعد پہلی پرواز کی پاکستان آمد

کراچی میں جنگی صورتحال کا اثر

کراچی (ڈیلی پاکستان آن لائن) مشرق وسطیٰ میں جنگی صورتحال کے باعث پانچ دن بعد پہلی پرواز کی پاکستان آمد ہوئی۔

یہ بھی پڑھیں: جدہ میں ریڈ سی انٹرنیشنل فلم فیسٹیول کی افتتاحی تقریب

پرواز کی تفصیلات

نجی ٹی وی چینل دنیا نیوز کے مطابق دبئی سے نجی ایئر لائن کی پہلی پرواز کراچی پہنچ گئی، پرواز 28 فروری سے دبئی میں پھنسے مسافروں کو لے کر ریلیف کے طور پر پہنچی۔ اس پرواز میں 300 سے زائد مسافر دبئی سے کراچی پہنچے۔

یہ بھی پڑھیں: لوگ ہر میچ میں پرفارمنس کی توقع رکھتے ہیں، ہم روبوٹ نہیں، ہم سے بھی غلطیاں ہوتی ہیں، حارث رؤوف

فضائی بحران کی شدت

واضح رہے کہ مشرق وسطیٰ میں جاری جنگ کے باعث فضائی بحران شدت اختیار کر گیا ہے اور پانچ روز کے دوران 8 ممالک کی منسوخ ہونے والی پروازوں کی تعداد 20 ہزار سے تجاوز کر گئی۔

یہ بھی پڑھیں: پاکستان ایران کو زیادہ بہتر جانتا ہے، فردو نیوکلیئر فیسلٹی تباہ کرنے کا فیصلہ نہیں کیا، صدر ٹرمپ کی پاکستانی آرمی چیف سے ملاقات کے بعد گفتگو

پروازوں کی منسوخی

فلائٹ شیڈول کے مطابق پاکستان سے مسلسل چھٹے روز بھی مشرق وسطیٰ کے لئے پروازیں متاثر ہوئی تھیں اور مجموعی طور پر 145 پروازیں منسوخ کر دی گئیں۔

ایوی ایشن ذرائع نے بتایا کہ کراچی سے مشرق وسطیٰ کے لئے 35، لاہور سے 29، ملتان سے 12 پروازیں منسوخ کی گئیں، جبکہ اسلام آباد سے 35، پشاور سے 14، سیالکوٹ سے 12 اور فیصل آباد سے 6 پروازیں بھی منسوخی کا شکار ہوئیں۔ اس کے علاوہ کوئٹہ سے مشرق وسطیٰ کے لئے 2 پروازیں بھی منسوخ کی گئیں۔

ہنگامی انخلا کی پروازیں

دوسری جانب خلیجی ممالک میں ہنگامی انخلا کے پیش نظر دبئی، ابوظہبی اور شارجہ ایئرپورٹس سے 167 خصوصی پروازیں آپریٹ کی گئیں۔ رپورٹس کے مطابق حملوں کے باعث ریاض اور دمام کے فضائی آپریشن بھی متاثر ہوئے تھے، جہاں بدھ کے روز 57 پروازیں منسوخ جبکہ 46 پروازیں تاخیر کا شکار رہیں۔