خطے کی صورتحال: وزیراعظم نے پیٹرولیم مصنوعات کی قیمتوں کے ہفتہ وار تعین کی منظوری دیدی

پیٹرولیم مصنوعات کی قیمتوں کا تعین

اسلام آباد (ڈیلی پاکستان آن لائن) وزیراعظم نے خطے کی بدلتی صورتحال کے پیش نظر پیٹرولیم مصنوعات کی قیمتوں کے ہفتہ وار تعین کی منظوری دیدی۔

یہ بھی پڑھیں: کراچی؛ گڈاپ دنبہ گوٹھ میں گاڑی کی سکوٹی کو ٹکر، ایک خاتون جاں بحق، دوسری زخمی

وزیراعظم کی زیر صدارت اجلاس

نجی ٹی وی چینل جیو نیوز کے مطابق وزیراعظم شہباز شریف کی زیر صدارت پیٹرولیم مصنوعات سٹاک اور کھپت پر کمیٹی کا اجلاس ہوا جس میں وزیر خزانہ کی جانب سے وزیراعظم کو بریفنگ دی گئی۔

یہ بھی پڑھیں: وزیر مذہبی امور نے پاکستانی عازمین حج کو بڑی خوش خبری سنادی

کمیٹی کی سفارشات

ذرائع کے مطابق کمیٹی نے پیٹرولیم مصنوعات کی ہفتہ وار قیمتوں کے تعین کے بارے میں سفارشات پیش کیں جسے وزیراعظم نے منظور کرلیا۔
ذرائع نے بتایا کہ ای سی سی پیٹرولیم مصنوعات کی ہفتہ وار قیمتوں کے بارے میں سفارشات دے گی۔ ای سی سی سے منظوری کے بعد پیٹرولیم مصنوعات کی سمری کی حتمی منظوری وفاقی کابینہ دے گی۔

یہ بھی پڑھیں: پنجاب حکومت نے لاہور میں 4 فروری سے 8 فروری تک 5 روزہ خصوصی تعطیلات کا اعلان کر دیا

ورک فرام ہوم کا پلان

تعلیمی اداروں میں ورچوئل نظام تعلیم اور آفسز کیلئے ورک فرام ہوم کاپلان پیر کو پیش کرنے کی ہدایت کی گئی ہے۔

یہ بھی پڑھیں: رمضان شوگر مل ریفرنس؛ شہبازشریف اور حمزہ شہباز کیخلاف عدالتی دائرہ اختیار کا جائزہ لینے کیلئے کارروائی کچھ دیر کیلئے ملتوی

صوبوں سے مشاورت

وزیراعظم نے وزیر خزانہ کو صوبوں سے مشاورت کے بعد پیر کو ورک فرام ہوم کے بارے میں پروپوزل پیش کرنے کی ہدایت کی ہے۔

ایندھن سٹاک کا مؤثر استعمال

ذرائع کا کہنا ہے کہ ان اقدامات کے باعث ایندھن سٹاک کا مؤثر استعمال اور طلب میں کمی ہوسکے گی۔