توانائی اور اہم معدنیات کو سیاست اور دباؤ کا ہتھیار نہ بنایا جائے، چین

چین کا بیان

اقوام متحدہ (ڈیلی پاکستان آن لائن) چین نے کہا ہے کہ توانائی اور اہم معدنیات کو سیاست اور دباؤ کا ہتھیار نہ بنایا جائے۔

یہ بھی پڑھیں: ویڈیو: والد کو گالیاں نکالی جاتی ہیں، گھر بھی توڑ دیا جائے گا! ایل ڈی اے آپریشن کے متاثرین کا برا حال، مریم نواز ہمارا کیا قصور؟

اقوام متحدہ کے اجلاس کی تفصیلات

تفصیلات کے مطابق سی جی ٹی این اردو کے مطابق اقوامِ متحدہ کی سلامتی کونسل کے اجلاس میں ’’توانائی، اہم معدنیات اور سلامتی‘‘ کے موضوع پر کھلے اجلاس میں اقوامِ متحدہ میں چین کے مستقل مندوب فو چھونگ نے کہا کہ بین الاقوامی برادری کو مستحکم، لچکدار وسائل کی سپلائی چین اور صنعتی چین کی تعمیر کے لیے مل کر کام کرنا چاہیے تاکہ عالمی اقتصادی ترقی میں مدد مل سکے۔

یہ بھی پڑھیں: آؤٹ آف فارم ہونا پریشانی کا سبب نہیں، نیا چیلنج ہے: صائم ایوب

چین کے مستقل مندوب کا خطاب

’’ اے پی پی ‘‘ کے مطابق چین کے مستقل مندوب فو چھونگ نے کہا کہ بعض ممالک کو توانائی اور اہم معدنیات کے معاملات کو غیر ضروری طور پر سلامتی، سیاست اور دباؤ کے ہتھیار میں تبدیل نہیں کرنا چاہیے۔ انہوں نے مزید کہا کہ سرد جنگ کی ذہنیت، بلاک محاذ آرائی اور جغرافیائی سیاسی رنگ لیے چھوٹے اور مخصوص گروہ تشکیل دینے سے گریز کرنا چاہیے۔

عالمی industrial اور سپلائى چین کی حیثیت

عالمی صنعتی اور سپلائی چین کو سیاسی مقاصد کے لیے استعمال کرنا اور اس میں مصنوعی مداخلت، نہ صرف عالمی مارکیٹ میں مزید اضطراب پیدا کرے گی بلکہ بین الاقوامی تعاون کو بھی متاثر کرے گی، اور بالآخر اس کے منفی اثرات خود ایسے اقدامات کرنے والے ممالک پر ہی مرتب ہوں گے۔