نہ سیز فائر، نہ مذاکرات، امریکہ کو کوئی کال نہیں کی، ایرانی وزیر خارجہ نے امریکی صدر کے دعوے کی تردید کردی
ایران کا ٹرمپ کے دعوے کی تردید
تہران (ڈیلی پاکستان آن لائن) ایران نے ڈیل کے لیے امریکہ کو فون کال کرنے کے امریکی صدر ٹرمپ کے دعوے کو مسترد کر دیا ہے۔ ایرانی وزیر خارجہ عباس عراقچی نے اپنے بیان میں امریکہ کو کال کرنے کی خبروں کی تردید کی ہے۔
یہ بھی پڑھیں: حکومت پاکستان کو خطے میں آئی ٹی کا مرکز بنانے کے لیے دن رات کوشاں ہے، وزیراعظم شہباز شریف
عباس عراقچی کا بیان
ایرانی وزیر خارجہ عباس عراقچی نے کہا کہ نہ سیز فائر، نہ مذاکرات، امریکہ کو کوئی کال نہیں کی گئی۔ انہوں نے ایرانی سرزمین پر امریکی فوجی بوٹس کے سوال کا مستحکم لہجے میں جواب دیتے ہوئے کہا کہ ایران تیار ہے، ایسا کرنا امریکہ کے لیے بڑی تباہی کا باعث ہوگا۔
یہ بھی پڑھیں: کابل میں 25ڈالر میں ملنے والا پاکستانی ویزا بلیک میں 1800ڈالر تک ملنے لگا
ایرانی صدر کی رائے
دوسری جانب ایرانی صدر مسعود پزشکیان کا کہنا ہے کہ کچھ ممالک نے ثالثی کی کوششیں شروع کردی ہیں، لیکن یہ کوششیں امریکہ اور اسرائیل پر مرکوز ہونی چاہییں، جنہوں نے اس تنازع کو بھڑکایا ہے۔ ایران خطے میں پائیدار امن کا خواہاں ہے۔
ٹرمپ کا بیان
واضح رہے کہ گزشتہ روز امریکی صدر نے دعویٰ کیا تھا کہ ایران نے ڈیل کے لیے کال کی لیکن ہم نے کہا کہ اب بہت دیر ہو گئی ہے۔
