خیبر پختونخوا حکومت کا وادیٔ پشاور میں وفاق کے تعاون سے ٹرین چلانے کا فیصلہ

پشاور میں نئی ٹرین سروس کا آغاز

پشاور (ڈیلی پاکستان آن لائن) خیبر پختون خوا حکومت نے وادیٔ پشاور میں وفاق کے تعاون سے ٹرین چلانے کا فیصلہ کیا ہے۔

یہ بھی پڑھیں: سیاست کی خوبصورتی یہ ہے کہ ٹرمپ اور ممدانی ایک دوسرے پر شدید تنقید کے باوجود عوام اور ریاست کے لیے مل کر کام کررہے ہیں، فیاض الحسن چوہان

پشاور ویلی ریلوے منصوبہ

پشاور میں چیف سیکریٹری خیبر پختون خوا نے سیکریٹری اور چیئرمین ریلویز کو خط ارسال کیا ہے، مجوزہ ٹرین منصوبے کا نام "پشاور ویلی ریلوے" رکھنے پر اتفاق ہوا ہے۔

یہ بھی پڑھیں: مجھے بڑی عمرکی عورتیں پسند ہیں، دوستوں کے گھر جاتا تو کہتاتھا کہ بہنیں سائیڈ پر کر دو امی کو خطرہ ہے‘ بشریٰ انصاری کے شوہر کا حیران کن بیان وائرل

منصوبے کے فوائد

خیبر پختون خوا کے سیکریٹری محکمۂ ٹرانسپورٹ محمد زبیر نے "جیو نیوز" سے بات چیت کرتے ہوئے کہا ہے کہ مجوزہ منصوبہ گیم چینجر ہو گا۔ پہلی مرتبہ صوبائی اور وفاقی حکومتیں مل کر کام کریں گی، جس سے کے پی حکومت کو انفرااسٹرکچر کی تعمیر میں بچت ہوگی۔ منصوبے سے ریلوے کا بزنس بڑھے گا اور آمدن بھی ہوگی۔

یہ بھی پڑھیں: کورین روایتی قوم ہے۔ خاندانی نظام پر یقین رکھتے ہیں، ہم بادشاہ کے پرانے محل پہنچے جہاں آج بھی روایات کے مطابق ادب و احترام کا خیال رکھا جاتا ہے۔

منصوبے کی تفصیلات

خط میں کہا گیا ہے کہ کے پی حکومت ریلویز انفرااسٹرکچر پر ریل کار اور ڈیزل ملٹی پل یونٹس چلانے پر کام کر رہی ہے۔ منصوبے کی پیشگی فزیبلٹی اسٹڈی پر زمین پر کام شروع کر دیا گیا ہے۔ پہلے مرحلے میں 62 کلومیٹر پر مشتمل پشاور-نوشہرہ-جہانگیرہ ریلوے سکیشن پر کام ہو گا جبکہ دوسرے مرحلے میں 65 کلومیٹر نوشہرہ-مردان-درگئی ریلوے سیکشن پر کام کیا جائے گا، اس کے علاوہ 27 کلو میٹر مردان-چارسدہ سیکشن اور 18 کلو میٹر پشاور-جمرود سیکشن اور بعد میں 60 کلو میٹر پر مشتمل کوہاٹ-جنڈ ریلوے سیکشن پر بھی کام کیا جائے گا۔

یہ بھی پڑھیں: سوشل میڈیا پر دوستی دکھاوا قرار‘ نعیمہ بٹ نے ساتھی اداکاروں کے رویے کو بے نقاب کر دیا

اجلاس اور تعاون

خط میں کہا گیا ہے کہ کے پی حکومت اور ریلویز کے ایک اجلاس میں تعاون بڑھانے پر غور کیا گیا تھا، جس میں مضافاتی ریل سروس کو اوپن ایکسیس فریم ورک کے تحت مرحلہ وار لاگو کیا جائے گا۔