آبنائے ہرمز میں جاری بحران کے دوران روسی تیل پاکستان کو سپلائی کیا جائے گا: روسی میڈیا
روس کی تیل کی سپلائی کا اعلان
ماسکو (ڈیلی پاکستان آن لائن) روسی میڈیا کے مطابق ماہرین نے دعویٰ کیا ہے کہ آبنائے ہرمز میں جاری بحران کے دوران روسی تیل پاکستان کو فراہم کیا جائے گا۔
یہ بھی پڑھیں: پاکستان نے کرپٹو کے شعبے میں جو کام مہینوں پہلے کردیا، اسرائیل وہ کرنے کا اب سوچ رہا ہے۔
ماہرین کی رائے
روسی میڈیا نے یہ معلومات گلوبل انرجی امور کے ماہر ڈاکٹر ممودہ سلامے کے حوالے سے پیش کی ہیں۔ رپورٹ کے مطابق، 7 لاکھ 33 ہزار بیرل روسی خام تیل بہت جلد پورٹ قاسم بندرگاہ پہنچے گا۔
یہ بھی پڑھیں: پاک فوج کی باجوڑ میں کارروائی، فتنہ الخوارج کے نور ولی محسود کا نائب امجد عرف مزاحم مارا گیا، آئی ایس پی آر
پاکستان کا تیل پر انحصار
رپورٹ میں وضاحت کی گئی ہے کہ پاکستان طویل عرصے سے تیل کی فراہمی کے لیے سعودی عرب اور متحدہ عرب امارات پر انحصار کر رہا ہے، تاہم اس نے ماضی میں بھی روسی خام تیل خریدا ہے۔
یہ بھی پڑھیں: بانی پی ٹی آئی کی صحت کا معاملہ، اپوزیشن لیڈر محمود اچکزئی نے وزیراعظم کو خط لکھ دیا
عالمی تیل کی قیمتوں کے اثرات
پاکستان بزنس کونسل کے حوالے سے یہ بھی دعویٰ کیا گیا ہے کہ عالمی سطح پر تیل کی قیمتوں میں ہر 10 فیصد اضافہ پاکستان کے کرنٹ اکاونٹ خسارے میں ڈیڑھ سے دو ارب ڈالر کا اضافہ کر دیتا ہے۔
مستقبل کے مالی خطرات
رپورٹ میں مزید بتایا گیا ہے کہ اگر تیل کی قیمتیں 100 ڈالر فی بیرل تک پہنچ جائیں تو سالانہ خسارہ 5 سے 7 ارب ڈالر تک بڑھ سکتا ہے۔
