رمضان المبارک محبت، رواداری اور انسانیت کا پیغام دیتا ہے: صوبائی وزیر اقلیتی امور رمیش سنگھ اروڑہ

بین المذاہب افطار ڈنر کا انعقاد

لاہور( ڈیلی پاکستان آن لائن ) صوبائی وزیر برائے اقلیتی امور رمیش سنگھ اروڑہ کی جانب سے لاہور میں بین المذاہب افطار ڈنر کا اہتمام کیا گیا جس میں صوبائی وزراء، اراکین پنجاب اسمبلی، سیاسی و سماجی شخصیات کے علاوہ مختلف مذاہب سے تعلق رکھنے والے مذہبی رہنماؤں اور سول سوسائٹی کے نمائندوں نے شرکت کی۔

یہ بھی پڑھیں: جنوبی افریقہ نے پاکستان کو دوسرے ٹی ٹوئنٹی میچ میں بھی شکست دے دی

بین المذاہب ہم آہنگی کی اہمیت

اس موقع پر اظہار خیال کرتے ہوئے صوبائی وزیر اقلیتی امور رمیش سنگھ اروڑہ نے کہا کہ افطاری کا یہ اہتمام بین المذاہب ہم آہنگی اور بھائی چارے کی خوبصورت مثال ہے۔ رمضان المبارک محبت، رواداری اور انسانیت کا پیغام دیتا ہے۔ پاکستان میں تمام مذاہب کو مکمل آزادی اور احترام حاصل ہے اور مختلف مذاہب کے ماننے والوں کا ایک جگہ جمع ہونا پاکستان کی خوبصورتی ہے۔

پنجاب حکومت کی ترجیحات

بین المذاہب ہم آہنگی کا فروغ پنجاب حکومت کی ترجیحات میں شامل ہے اور اس طرح کی تقریبات معاشرے میں باہمی احترام اور اتحاد کو فروغ دیتی ہیں۔