بارش کے پانی کو محفوظ بنانے کے لیے سڑکوں کے اطراف سٹوریج ٹینکس تعمیر کیے جائیں گے

صوبائی وزیر بلدیات کا بیان

لاہور (ڈیلی پاکستان آن لائن) صوبائی وزیر بلدیات ذیشان رفیق نے کہا ہے کہ پنجاب کے شہروں میں اربن فلڈنگ کے خاتمے کے لیے بڑے پیمانے پر اقدامات کیے جا رہے ہیں۔

یہ بھی پڑھیں: ابوزر حادثے سے قبل سنیپ چیٹ پر ویڈیو بنا رہا تھا، تفتیش میں انکشاف

بارش کے پانی کو محفوظ بنانے کی منصوبہ بندی

بارش کے پانی کو محفوظ بنانے کے لیے سڑکوں کے اطراف 380 واٹر سٹوریج ٹینکس تعمیر کیے جائیں گے تاکہ بارش کا پانی ضائع ہونے کے بجائے ذخیرہ کیا جا سکے۔

یہ بھی پڑھیں: اپوزیشن جب بھی مجھ سے رابطہ کرے گی تو مذاکرات میں سہولت کاری کے لیے تیار ہوں، سپیکر قومی اسمبلی ایاز صادق

سیوریج کے نظام میں جدید ٹیکنالوجی

ڈی جی پی آر لاہور میں وزیر اطلاعات و ثقافت عظمیٰ بخاری کے ہمراہ پریس کانفرنس کرتے ہوئے بلدیات ذیشان رفیق نے کہا کہ پنجاب میں پہلی بار سیوریج کے نظام کے لیے ایچ ڈی پی (HDP) پائپس استعمال کیے جا رہے ہیں جو تقریباً 100 سال تک مؤثر طریقے سے کام کرنے کی صلاحیت رکھتے ہیں۔

ویسٹ واٹر ٹریٹمنٹ منصوبے

صوبے کے مختلف شہروں میں ویسٹ واٹر ٹریٹمنٹ پلانٹس بھی قائم کیے جا رہے ہیں تاکہ سیوریج کے پانی کو قابلِ استعمال بنایا جا سکے۔