وزیر خارجہ سینیٹر اسحاق ڈار کا ایرانی ہم منصب سید عباس عراقچی سے ٹیلی فونک رابطہ
وزیر خارجہ کا ایرانی ہم منصب سے رابطہ
اسلام آباد (ڈیلی پاکستان آن لائن) وزیر خارجہ سینیٹر اسحاق ڈار نے ایرانی ہم منصب سید عباس عراقچی سے ٹیلی فونک رابطہ کیا اور موجودہ صورتحال پر بات چیت کی۔
یہ بھی پڑھیں: بانی پی ٹی آئی اپنی انا کو قومی مفادات سے بڑا سمجھتے ہیں، این آر او نہیں ملے گا، نہیں ملے گا: طلال چودھری
خطے کی موجودہ صورتحال پر تبادلہ خیال
ترجمان دفترخارجہ کے مطابق گفتگو کے دوران دونوں رہنماؤں نے خطے میں تیزی سے بدلتی ہوئی صورتحال اور حالیہ پیش رفت پر تبادلہ خیال کیا۔
باہمی دلچسپی کے امور اور استحکام پر بات چیت
دونوں وزرائے خارجہ نے باہمی دلچسپی کے امور اور علاقائی استحکام سے متعلق معاملات پر بھی بات چیت کی۔ اس موقع پر اس بات پر اتفاق کیا گیا کہ موجودہ علاقائی صورتحال کے تناظر میں دونوں ممالک کے درمیان رابطے برقرار رکھے جائیں گے اور آئندہ بھی مشاورت کا سلسلہ جاری رکھا جائے گا۔
