خبردار ۔۔۔ ذخیرہ اندوزی یا مصنوعی مہنگائی کی کسی بھی کوشش کیخلاف سخت کارروائی ہو گی: عظمیٰ بخاری

پنجاب میں ترقی کا عزم

وزیر اطلاعات و ثقافت پنجاب عظمٰی بخاری نے کہا ہے کہ پنجاب کے ہر کونے میں ترقی ہوتی ہوئی نظر آئے گی۔ نگہبان رمضان پروگرام کے تحت اب تک 25 لاکھ سے زائد کارڈز تقسیم کیے جا چکے ہیں جبکہ 21 لاکھ افراد امدادی رقم حاصل کر چکے ہیں۔ حکومت پنجاب چھوٹے شہروں اور دیہی علاقوں کی ترقی پر خصوصی توجہ دے رہی ہے اور پنجاب ڈویلپمنٹ پروگرام کے تحت 517 ارب روپے سے 67 سے زائد شہروں میں ترقیاتی منصوبے جاری ہیں۔

یہ بھی پڑھیں: عمران خان نے امریکہ پر الزام لگانے سے پہلے امریکی سفیر سے رابطہ کیا، سابق سی آئی اے

ذخیرہ اندوزی کے خلاف سخت کارروائیاں

انہوں نے خبردار کیا کہ ذخیرہ اندوزی یا مصنوعی مہنگائی کی کسی بھی کوشش پر پیرا سخت کارروائی کرے گی جبکہ یومِ علیؓ، مساجد اور امام بارگاہوں کی سیکیورٹی کے لیے فول پروف انتظامات کیے گئے ہیں۔

یہ بھی پڑھیں: خیبرپختونخوا کابینہ کے 10 ارکان نے حلف اُٹھا لیا

یکساں ترقی کا ویژن

عظمیٰ بخاری نے کہا کہ وزیراعلیٰ پنجاب مریم نواز کی گورننس کا ماڈل صرف چند شہروں یا چند سڑکوں تک محدود نہیں بلکہ اس کا مقصد پورے پنجاب میں یکساں ترقی کو یقینی بنانا ہے۔ مریم نواز کا ویژن یہ ہے کہ ترقی ہر شہر، ہر قصبے اور ہر گاؤں میں یکساں طور پر نظر آئے۔ اسی سوچ کے تحت دیہات کو مثالی دیہات میں تبدیل کرنے کے منصوبوں پر کام جاری ہے، جس کے نتیجے میں دیہی آبادی کی زندگیوں میں واضح اور مثبت تبدیلیاں آئیں گی۔

یہ بھی پڑھیں: صحافی مطیع اللہ جان سے منشیات کے چارجز ختم کرنے کی استدعا، فیصلہ محفوظ

عوام کی شمولیت کی دعوت

عظمیٰ بخاری نے کہا کہ وہ سب کو دعوت دیتی ہیں کہ گاؤں کا خود دورہ کریں اور وہاں آنے والی بہتری اور عوام کی زندگیوں میں آنے والی مثبت تبدیلیوں کا مشاہدہ کریں، کیونکہ ایسی ترقی کے بارے میں لوگوں نے گزشتہ 78 برسوں میں کبھی سوچا بھی نہیں تھا۔

یہ بھی پڑھیں: پاکستان کو چیمپئنز ٹرافی سے کتنے پیسے ملیں گے ؟ پتا چل گیا

رمضان المبارک میں عوامی ریلیف

ان خیالات کا اظہار انہوں نے ڈی جی پی آر لاہور میں وزیر بلدیات ذیشان رفیق کے ہمراہ پریس کانفرنس کرتے ہوئے کیا۔ انہوں نے کہا کہ حکومت پنجاب ماہِ رمضان المبارک میں عوامی ریلیف کے لیے بڑے پیمانے پر اقدامات کر رہی ہے اور صوبہ بھر میں فلاحی منصوبے تیزی سے جاری ہیں۔ نگہبان رمضان کارڈ پروگرام کے تحت اب تک 25 لاکھ 3 ہزار 897 کارڈز تقسیم کیے جا چکے ہیں جبکہ 21 لاکھ سے زائد افراد ان کارڈز کے ذریعے رقم حاصل کر چکے ہیں۔ یکم رمضان سے یکم مارچ تک صوبہ بھر میں 422 مقامات پر سرکاری سطح پر افطار کا اہتمام کیا گیا جہاں ہزاروں افراد مستفید ہوئے۔ اسی طرح رمضان نگہبان بازاروں میں عوام کو سہولت فراہم کرنے کے لیے 1 ہزار 763 سٹالز قائم کیے گئے ہیں۔

یہ بھی پڑھیں: سابق رکن قومی اسمبلی رمیش کمار کے گھر سے ڈاکو 2 کروڑ روپے کا سامان لے اڑے

بنیادی ڈھانچے کی بہتری

عظمیٰ بخاری نے کہا کہ حکومت پنجاب چھوٹے شہروں اور دیہی علاقوں کی ترقی پر خصوصی توجہ دے رہی ہے تاکہ وہاں کے شہریوں کے معیارِ زندگی میں نمایاں بہتری لائی جا سکے۔ پنجاب ڈویلپمنٹ پروگرام کے تحت صوبے کے 517 ارب روپے سے 67 سے زائد شہروں میں ترقیاتی منصوبوں پر کام جاری ہے اور شفاف ای ٹینڈرنگ کے ذریعے 13 ارب روپے کی بچت کی گئی ہے۔ اس پروگرام کے تحت 6 ہزار کلومیٹر سے زائد سیوریج لائنیں بچھائی جائیں گی جبکہ 189 کلومیٹر مضبوط واٹر ڈرینز تعمیر کی جائیں گی۔ اسی طرح 83 ڈسپوزل اسٹیشنز اور 9 انڈر گراؤنڈ واٹر اسٹوریج ٹینکس بھی تعمیر کیے جائیں گے۔

یہ بھی پڑھیں: کوئٹہ میں ٹریفک حادثہ، 2 افراد جاں بحق، 3 زخمی

پیٹرولیم قیمتوں کا جائزہ

پیٹرولیم قیمتوں سے متعلق سوال کے جواب میں عظمیٰ بخاری نے کہا کہ عالمی حالات، خصوصاً اسرائیل، امریکہ اور ایران کے درمیان کشیدگی کے باعث پیٹرول کی قیمتوں میں اضافہ ہوا ہے۔ تاہم حکومت نے عوام کو ریلیف دینے کے لیے پیٹرولیم لیوی کم کی ہے اور حالات بہتر ہوتے ہی قیمتوں میں مزید کمی کی جائے گی۔

سیکیورٹی اور بلدیاتی نظام

انہوں نے خبردار کیا کہ ذخیرہ اندوزی یا مصنوعی مہنگائی کی کسی بھی کوشش کے خلاف پنجاب انفورسمنٹ ریگولیٹری اتھارٹی (پیرا) سخت کارروائی کرے گی۔ انہوں نے کہا کہ بلدیاتی نظام کے حوالے سے حکومت اپنا کام مکمل کر کے معاملہ الیکشن کمیشن کے حوالے کر چکی ہے اور حلقہ بندیوں کے بعد ہی بلدیاتی انتخابات ممکن ہوں گے۔ سیکیورٹی انتظامات کے حوالے سے انہوں نے کہا کہ یومِ علیؓ اور رمضان المبارک کے دوران مساجد، امام بارگاہوں، اعتکاف اور تراویح کے اجتماعات کے لیے فول پروف سیکیورٹی فراہم کی جا رہی ہے جبکہ عید کی خریداری کے دوران بازاروں میں خواتین سکواڈ بھی تعینات کیے جائیں گے۔