ہمیں ایسے لوگوں کی ضرورت نہیں جو جنگ جیتنے کے بعد شامل ہوں: امریکی صدر ٹرمپ
ٹرمپ کا برطانوی وزیرِاعظم کے لیے پیغام
واشنگٹن (ڈیلی پاکستان آن لائن) امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر ایک پیغام پوسٹ کیا جس میں انھوں نے برطانوی وزیرِاعظم کو مخاطب کیا اور لکھا کہ 'برطانیہ، جو کبھی ہمارا عظیم اتحادی تھا شاید سب سے بڑا، اب آخرکار مشرقِ وسطیٰ میں دو طیارہ بردار جہاز بھیجنے پر سنجیدگی سے غور کر رہا ہے۔'
ٹرمپ کا برطانیہ کے حالیہ اقدامات پر ردعمل
ٹرمپ نے مزید کہا کہ 'کوئی بات نہیں، وزیرِ اعظم سٹارمر اب ہمیں ان کی ضرورت نہیں رہی لیکن ہاں ہم یہ سب یاد رکھیں گے۔' ان کا کہنا تھا کہ 'ہمیں ایسے لوگوں کی ضرورت نہیں جو جنگ میں اس وقت شامل ہوں جب ہم پہلے ہی اس جنگ کو جیت چکے ہوں۔'
