پٹرولیم مصنوعات کی قیمتوں میں 55 روپے تک کا اضافہ، سابق وفاقی وزیر عمر ایوب کی جون 2022 کی ویڈیو بھی وائرل ہوگئی۔

عمر ایوب کی وائرل ویڈیو

اسلام آباد (ویب ڈیسک) پٹرولیم مصنوعات کی قیمتوں میں 55 روپے تک کے اضافہ کے بعد سابق وفاقی وزیر عمر ایوب کی جون 2022 کی ویڈیو بھی وائرل ہوگئی جس میں ان کا کہنا تھا کہ "امپورٹڈ حکومت کے ذہن میں ہے کہ 2 ماہ بعد انہوں نے خودکشی کرنی ہے، جولائی میں ڈیزل و پیٹرول 300 اور 310 روپے فی لیٹر تک جائے گا، مہنگائی کی وجہ سے صنعت کا پہیہ جام ہو جائے گا"۔

یہ بھی پڑھیں: امریکا کے ساتھ غیر ٹیرف رکاوٹوں کو ختم کرنے پر بات چیت جاری ہے: وفاقی وزیرخزانہ

پریس کانفرنس میں تشویش

اس وقت اسلام آباد میں پریس کانفرنس کرتے ہوئے عمر ایوب نے کہا کہ اگلے ماہ بجلی کی قیمت 39 روپے فی یونٹ تک جائے گی، عوام کے لیے انہوں نے ٹائم بم لگا دیا ہے، اشیائے ضروریہ کی قیمتیں آسمان پر چلی جائیں گی۔ بجلی کی قیمت ہماری حکومت 16 روپے فی یونٹ چھوڑ کر گئی تھی، جولائی میں بجلی کی قیمت ٹیکس کے ساتھ 39 یا 40 روپے فی یونٹ جائے گی۔

یہ بھی پڑھیں: ایران پر ممکنہ اسرائیلی حملے کے حوالے سے لیک ہونے والی امریکی خفیہ دستاویزات میں کیا معلومات فراہم کی گئی ہیں؟

لوگوں کا غصہ

عمر ایوب نے مزید کہا تھا کہ اس صورت حال میں لوگ ان کو پتھر نہیں ماریں گے تو اور کیا کریں گے؟ ہماری 6 فیصد جی ڈی پی ہے، وزرا ہمارے نمبر کو خوشی خوشی اقتصادی سروے میں اپنا رہے ہیں۔

یہ بھی پڑھیں: مصطفیٰ کمال نے آٹھ ماہ میں پاکستان کو پولیو فری ملک بنانے کا دعوی کردیا

بین الاقوامی بینک کی تنبیہ

عمر ایوب نے کہا کہ بین الاقوامی بینک نے کہہ دیا ہے کہ 100 فیصد مارجن رکھیں، ایل این جی کے جو چار کارگوز اسپاٹ ٹینڈرنگ سے آتے ہیں وہ نہیں آئیں گے، یہ حکومت کاروباری لوگوں کا بیڑا غرق کرنے جا رہی ہے۔

آنے والی مشکلات

پی ٹی آئی رہنما نے کہا کہ امپورٹڈ حکومت کے ذہن میں ہے کہ 2 ماہ بعد انہوں نے خودکشی کرنی ہے، روپے پر مزید پریشر آئے گا، ان کے ٹارگٹ پورے نہیں ہوں گے، جولائی میں بجلی کی لوڈشیڈنگ میں مزید اضافہ ہوگا۔