پورے ٹورنامنٹ میں صرف ایک میچ میں پرفارم کر کے بھارت کو ورلڈ کپ جتوانے میں اہم کردار ادا کرنے والے ابھیشک شرما کا بیان

احمد آباد میں ابھیشیک شرما کی شاندار کارکردگی

بھارتی آل راؤنڈر ابھیشیک شرما نے ورلڈ کپ فائنل میں اپنی شاندار کارکردگی اور ٹیم کی فتح کے بعد جذباتی گفتگو کرتے ہوئے انکشاف کیا کہ ٹورنامنٹ کے دوران وہ اپنی فارم کے حوالے سے شدید شکوک و شبہات کا شکار تھے۔ انہوں نے بتایا کہ یہ ان کے لیے ایک مشکل ٹورنامنٹ تھا اور اس سے پہلے انہوں نے کبھی ایسے حالات کا تجربہ نہیں کیا تھا۔

یہ بھی پڑھیں: ویڈیو: سیلاب کا خطرہ، ایڈیشنل کمشنر لاہور صبح سویرے انتظامات کا جائزہ لینے راوی کنارے پہنچ گئے

کپتان اور کوچ کا اعتماد

ابھیشیک نے کہا کہ جب وہ خود پر شک کر رہے تھے، تب بھی کپتان اور کوچ نے ان پر مکمل بھروسہ ظاہر کیا۔ انہوں نے اعتراف کیا کہ پورے سال اچھی کارکردگی کے باوجود بڑے ٹورنامنٹ میں پرفارم نہ کر پانا ان کے لیے آسان نہیں تھا جس کی وجہ سے وہ ٹورنامنٹ کے وسط میں جذباتی بھی ہو گئے تھے۔

فائنل میں کامیابی اور ٹیم کی حمایت

جب انہوں نے کوچ اور کپتان سے بات کرنا چاہی تو انہیں جواب ملا کہ "تم ہمیں بڑے میچ جتواؤ گے" اور آج فائنل میں انہوں نے 52 رنز کی برق رفتار اننگز کھیل کر اس بھروسے کو سچ کر دکھایا۔ انہوں نے مشکل وقت میں بھی ٹیم کا ساتھ دینے پر مداحوں اور کراؤڈ کی بھرپور حمایت کو سراہا۔