وزیراعظم نے علاقائی و عالمی صورتحال کے تناظر میں اہم اجلاس آج طلب کر لیا

اجلاس کا طلب ہونا

اسلام آباد(ڈیلی پاکستان آن لائن) وزیراعظم شہbaz شریف نے علاقائی و عالمی صورتحال کے تناظر میں اہم اجلاس آج طلب کر لیا۔

یہ بھی پڑھیں: یوکرین کی جنگ جلد ختم ہونے والی نہیں، امریکی نائب صدر جے ڈی وینس کا بیان

اجلاس کی تفصیلات

نجی ٹی وی چینل دنیا نیوز کے مطابق ذرائع کا کہنا ہے کہ وزیراعظم کی زیر صدارت قومی کفایت شعاری پالیسی کی منظوری کے لیے اجلاس دوپہر وزیراعظم ہاؤس میں طلب کر لیا گیا، اجلاس میں چاروں صوبوں اور گلگت بلتستان کے وزرائے اعلیٰ، وزیراعظم آزاد جموں و کشمیر کو بھی مدعو کیا گیا ہے۔

یہ بھی پڑھیں: سود کا خاتمہ اور مدارس کی رجسٹریشن، جامعہ اشرفیہ لاہور کے علماء کی مولانا فضل الرحمٰن کو مبارکباد

اجلاس کے مقاصد

ذرائع کا کہنا ہے کہ اجلاس میں ملک کی مجموعی انتظامی اور معاشی صورتحال کا جائزہ لیا جائے گا، صوبوں اور وفاق کے درمیان اتفاق رائے سے قومی کفایت شعاری پالیسی کی منظوری دی جائے گی اور موجودہ حالات میں عوام کو ریلیف فراہم کرنے کے لیے مشترکہ لائحہ عمل تشکیل دیا جائے گا۔

معاشی صورتحال کا جائزہ

اجلاس میں معاشی صورتحال، عوام پر بوجھ کم کرنے کے اقدامات کا بھی جائزہ لیا جائے گا جبکہ اجلاس میں اہم فیصلہ متوقع ہیں، جس میں سرکاری روابط زوم پر انجام دینے کی تجویز بھی دی جائے گی۔ اجلاس میں سکول، کالجز کی کلاسز آن لائن، آفسز میں ورک فرام ہوم کی پالیسی بھی زیر غور آئے گی۔