پنجاب بھر کے سرکاری سکولوں میں سالانہ امتحانات کا آغاز ہو گیا

سالانہ امتحانات کا آغاز

لاہور(ڈیلی پاکستان آن لائن) پنجاب بھر کے سرکاری سکولوں میں سالانہ امتحانات کا آغاز ہوگیا، جہاں سرکاری سکولوں کے 60 لاکھ طلبہ امتحان میں شامل ہوں گے۔

یہ بھی پڑھیں: شیریں مزاری کی بیٹی ایمان مزاری اور ان کے شوہر ہادی علی کو 17، 17 سال قید کی سزا سنادی گئی۔

آٹھویں جماعت کے امتحانات

نجی ٹی وی سما نیوز کے مطابق، پیکٹا کے تحت آٹھویں جماعت کے امتحانات شروع ہو چکے ہیں، جس میں 10 لاکھ طلبہ امتحان دیں گے۔ آٹھویں جماعت کے 4 امتحانات نو سے بارہ مارچ تک جاری رہیں گے، جبکہ آٹھویں جماعت کے دیگر امتحان 13 سے 25 مارچ تک منعقد ہوں گے۔

یہ بھی پڑھیں: فراڈ کیس؛ فواد چوہدری پر فرد جرم عائد کردی گئی

امتحانات کی تفصیلات

پیکٹا کے تحت پہلے روز آٹھویں جماعت کا ریاضی کا پیپر لیا جائے گا۔ یہ امتحان ببل شیٹ پر لیا جائے گا اور ریاضی، اردو، انگریزی، اور سائنس کے پرچے شامل ہوں گے۔ امتحان میں نقل کی روک تھام کے لئے 6 مختلف سوالیہ پیپرز فراہم کیے جائیں گے۔

دیگر جماعتوں کے امتحانات

پہلی تا ساتویں جماعت تک انگلش، اردو، کمپیوٹر اور جنرل نالج کا پیپر لیا جائے گا۔ سکولوں میں امتحانات کا سلسلہ 25 مارچ تک جاری رہے گا۔ سکول کے نتائج 31 مارچ کو جاری کئے جائیں گے جبکہ آٹھویں کے پیکٹا کے امتحانات کا رزلٹ 9 اپریل کو دیا جائے گا۔ آٹھویں جماعت کے چار امتحانات کی مشین مارکنگ کی جائے گی، جبکہ آخری بار آٹھویں جماعت کا بورڈ کا امتحان سال 2020 میں لیا گیا تھا.