سکولوں کی بندش کے فیصلے پر رانا سکندر کا وضاحتی بیان آگیا

وزیر تعلیم پنجاب کا وضاحتی بیان

لاہور (ڈیلی پاکستان آن لائن) وزیر تعلیم پنجاب رانا سکندر حیات خان کا پنجاب حکومت کے تعلیمی ادارے بند کرنے کے فیصلے کے حوالے سے وضاحتی بیان آگیا۔

یہ بھی پڑھیں: لاہور قلندرز اور کراچی کنگز کا میچ بارش نے روک دیا

تعلیمی ادارے بند رہیں گے

ایکس پر جاری اپنے بیان میں رانا سکندر نے کہا کہ تمام یونیورسٹیاں، کالجز اور سکول بند رہیں گے، تمام امتحانات اور اسیسمنٹس اپنے مقررہ شیڈول کے مطابق جاری رہیں گے، آن لائن کلاسز لینے کی اجازت ہوگی۔

بندش کی مدت

واضح رہے کہ اس سے قبل پنجاب حکومت نے فیصلہ کیا تھا کہ سکول، کالج اور یونیورسٹیاں، 10 مارچ سے 31 مارچ تک بند رہیں گی، امتحانات شیڈول کے مطابق ہوں گے۔ سکول اور تعلیمی ادارے آن لائن کلاسز لے سکیں گی۔